Տարածաշրջան

2022 թվականին աշխարհում տեղի ունեցած իրադարձություններից առանձնացնում ենք մի քանիսը, որոնք կանխորոշելու են պետությունների ռազմաքաղաքական զարգացման ու նոր աշխարհակարգի ձևավորման միտումները:

ՆԱՏՕ-ի գլխավոր քարտուղար Յանս Սթոլթենբերգը չի բացառել, որ ուկրաինական հակամարտությունը կարող է հանգեցնել Ռուսաստանի և Հյուսիսատլանտյան դաշինքի միջև պատերազմի։
Թուրքիայի նախագահ Էրդողանը ցանկանում է վերսկսել թուրքմենական գազի մատակարարումը Եվրոպա՝ շրջանցելով Ռուսաստանը, և մտադիր է այդ թեման քննարկել Թուրքմենստանի և Ադրբեջանի նախագահների հետ:

ՌԴ նախագահ Վլադիմիր Պուտինի առաջարկով Թուրքիայում սկսվել է գազային հանգույցի կառուցումը՝ ռուսական գազը գոյություն ունեցող խողովակաշարերով եվրոպական երկրներ հասցնելու համար։

Ռուսաստանի արտաքին հետախուզության ծառայությունը մշտապես գրանցում է ԱՊՀ տարածքում հակամարտություններ հրահրելու՝ ԱՄՆ-ի և Արևմուտքի մի շարք երկրների փորձերը: «Մեր հատուկ ծառայությունների ընդհանուր խնդիրն այժմ արևմտյան երկրների ապակառուցողական գործողություններին դիմակայելն է մեր պետությունների տարածքում»,- ասել է գերատեսչության ղեկավար Սերգեյ Նարիշկինը։

Ռուսաստանն իրականացրել է Ուկրաինայի էներգետիկ համակարգի ամենազանգվածային հրթիռակոծությունը պատերազմի սկզբից ի վեր։ Այս հարձակումը կարող է ազդեցություն ունենալ ոչ միայն Ուկրաինայի, այլև որոշ հարևան երկրների էներգետիկ համակարգերի վրա։ Ուկրաինական կողմի համաձայն՝ ռուսական զորքերը մոտ 100 հրթիռ են արձակել Ուկրաինայի ուղղությամբ։