Language:

  • Հայերեն
  • Русский
  • English

Նորություններ

ՌՔԿՊ ԾԱՌԱՅՈՒԹՅԱՆ ՊԵՏԵՐԻ ՀՐԱՄԱՆԱՏԱՐԱԿԱՆ ՀԱՎԱՔ

Տեսական գիտելիքների, մասնագիտական գործնական կարողությունների և մեթոդական պատրաստության մակարդակը բարձրացնելու, ինչպես նաև տարբեր իրավիճակներում ՌՔԿՊ միջոցառումների պլանավորման և կազմակերպման ուղղությամբ անձնակազմի ունակությունները կատարելագործելու նպատակով ապրիլի 1-ից 5-ը ՀՀ ԶՈՒ ՌՔԿՊ զորքերի վարչության ենթակա զորամասերից մեկում անց¬կացվել է զորամիավորումների և կենտրոնական ենթա¬կայության զորամասերի ՌՔԿՊ ծառայության պետերի հրամանատարական հավաք:

ԱՆՑԿԱՑՎՈՒՄ ԵՆ ՀՐԵՏԱՆՈՒ ՃԱՄԲԱՐԱՅԻՆ ՀԱՎԱՔՆԵՐ

Մեկնարկել են 1-ին զորամիավորման հրետանու ճամբարային հավաքները: Դաշտային պայմաններում անցկացվող մեկամսյա ուսումնական հավաքների ընթացքում անձնակազմը տեսական և գործնական պարապմունքների միջոցով կատարելագործելու է խոշոր տրամաչափի հրետանային զինատեսակների կիրառման հմտությունները:

ԱՆՑԿԱՑՎԵԼ Է ՀՕՊ ՍՏՈՐԱԲԱԺԱՆՈՒՄՆԵՐԻ ԶՈՐԱՎԱՐԺՈՒԹՅՈՒՆ

Պաշտպանողական մարտի վարման ընթացքում մարտկոցների, դասակների և ջոկերի մարտական գործողությունները ներդաշնակելու նպատակով ապրիլի 3-ից 5-ը անցկացվել է 2-րդ զորամիավորման հակաօդային պաշտպանության ստորաբաժանումների մարտավարական զորավարժություն:

ԱՆՑԿԱՑՎԵԼ Է ԲԱՆԱԿԱՅԻՆ ՁԵՌՆԱՄԱՐՏԻ ԱՌԱՋՆՈՒԹՅԱՆ ՀԵՐԹԱԿԱՆ ՄՐՑԱՓՈՒԼԸ

Ապրիլի 4-ին Եղեգնաձորի մարզադպրոցում անցկացվել է ՀՀ ԶՈւ բանակային ձեռնամարտի առաջնության հերթական մրցափուլը, որին մասնակցել են 4-րդ զորամիավորման ենթակա զորամասերի հավաքական թիմերը: Մրցափուլի արդյունքներով լավագույն ճանաչված մարզիկ-զինծառայողները զորամիավորման հավաքական թիմի կազմում կմասնակցեն համաբանակային առաջնության եզրափակիչ փուլին:

ՀՐԱՄԱՆԱՏԱՐԱԿԱՆ ՀԱՎԱՔՆԵՐ

Սպաների գործնական հմտությունների և մասնագիտական ունակությունների կատարելագործման, զորքերի ծառայության կազմակերպման մեթոդական պատրաստվա­ծության մակարդակը բարձրացնելու նպատակով ապրիլի 1-ից ԶՈՒ ԳՇ զորքերի ծառայության և ԶԾԱԱ վարչության անձնակազմի հետ անցկացվում են հրամանատարական հավաքներ:

ՄԱՐՏԱՎԱՐԱԿԱՆ ՊԱՐԱՊՄՈՒՆՔ

4-րդ զորամիավորման ենթակա զորամասերից մեկում ապրիլի 4-ին անցկացվել է մարտավարական պատրաստության պարապմունք, որի նպատակը հարձակվող զորքերի խոցման, զբաղեցրած շրջանների և դիրքերի պահպանման, հարձակման ժամանակ հակառակորդի պաշտպանության ճեղքման, նահանջող հակառակորդի հետապնդման և հանդիպակաց մարտի վարման ուսուցանումն էր:

ԱՅՑԵԼԵԼ ԵՆ ԶՈՀՎԱԾ ԶԻՆԾԱՌԱՅՈՂՆԵՐԻ ԸՆՏԱՆԻՔՆԵՐԻՆ

Ապրիլի 4-ին 2-րդ զորամիավորման ներկայացուցիչները, մարզպետարանի, կայազորային զինվորական կոմիսարիատի աշխատակիցների և Զոլաքարի համայնքապետը աջակցություն հայտնելու և հարգանքի տուրք մատուցելու նպատակով այցելեցին 2016թ. ապրիլի 4-ին շփման գծում հակառակորդի կողմից հրադադարի խախտման հետևանքով ծավալված մարտերում զոհված զինծառայողներ՝ շարքային Դավիթ Ռազմիկի Հայրապետյանի և ենթասպա Գագիկ Սուրիկի Մելքոնյանի հարազատներին: