ՀՀ պաշտպանության նախարար Սեյրան Օհանյանը ՀՀ ԶՈւ ԳՇ պետի տեղակալ գեներալ-լեյտենանտ Հայկազ Բաղմանյանի, 3-րդ բանակային զորամիավորման հրամանատար գեներալ-մայոր Օնիկ Գասպարյանի եւ բարձրաստիճան այլ զինվորականների ուղեկցությամբ հերթական շրջայցն է կատարել հանրապետության հյուսիսարեւելյան սահմանագոտի, որտեղ պաշտպանական գերատեսչության ղեկավարը ծանոթացել է ծառայության կազմակերպմանը, զինծառայողների մարտական ու մասնագիտական պատրաստությանը, սոցիալ-կենցաղային պայմաններին եւ իրականացվող շինարարական աշխատանքներին:

Օգոստոսի 17-ին պաշտոնապես կմեկնարկի «Միություն 2015-Հաղթանակի ժառանգորդներ» ռազմամարզական և կադետական վարժարանների միջազգային երիտասարդական կրթական հավաքը: Միջոցառումն իրականացվում է ՀՀ պաշտպանության նախարարության հովանու ներքո՝ ռուսական «Доблесть отечества» հայրենիքի պաշտպանների աջակցման հասարակական շարժման և «Русь» ռազմական բազկամարտի ֆեդերացիայի աջակցությամբ: 15-օրյա միջոցառմանը կմասնակցեն շուրջ 500 պատանիներ նախկին ԽՍՀՄ 11 երկրներից՝ Հայաստանից, Բելառուսից, Էստոնիայից, Լատվիայից, Ղազախստանից, Ղրղըզստանից, Մոլդովայից, Մոլդովայի Մերձդնեստրյան Հանրապետությունից, Ռուսաստանից, Վրաստանից, Տաջիկստանից, Ուկրաինայից: Հայաստանը հավաքին կներկայացնի Մոնթե Մելքոնյանի անվան ռազմամարզական վարժարանը:

Օգոստոսի 7-ը Նորագույն զինյալ-ազատագրական պայքարի նահատակների հիշատակի օրն է, որն ամեն տարի Երեւանում՝ Եռաբլուր պանթեոնում, նշում են Հայաստանի Հանրապետությունում հաստատված Հայաստանի Ազատագրության Հայ Գաղտնի Բանակի մարտիկները, նրանց համակիրները, ընկերներն ու գործընկերները:

Զինված ուժերի պատրաստության տարեկան պլանի համաձայն՝ օգոստոսի 7-ին փոխգնդապետ Հ.Հակոբյանի հրամանատարությամբ գործող զորամասում անցկացվեց պաշտպանության նախարարության գերատեսչական պահպանության` ռազմականացված և պահակային ստորաբաժանումների պետերի մեկօրյա մեթոդական հավաք, որը ղեկավարում էր ԳՇ զորքերի ծառայության և զինվորական ծառայության անվտանգության ապահովման վարչության պետ, գնդապետ Հայկ Կարապետյանը:

«Զորակոչվածների ֆիզիկական պատրաստվածությունը լավ է, բայց առկա է մասնագիտական առարկաների իմացության պակաս»,-ներկայացնելով 2015 թվականի ամառային զորակոչի արդյունքները՝ կարծիք հայտնեց փոխգնդապետ Աշոտ Ֆանյանի հրամանատարությամբ գործող զորամասի հրամանատարի տեղակալ, փոխգնդապետ Կարեն Համբարձումյանը։

Այո՛, կադրերն են որոշում ամեն ինչ: Ինչքան էլ զարգանա տեխնիկան, միևնույնն է՝ մասնագետն է որոշում, ցույց տալիս դրա հզորությունը:
Իմ փորձից գիտեմ, որ այսօր շատ բնագավառներում առաջընթացի բացակայության պատճառներից մեկն էլ այն է, որ այդ գործի գլուխ կանգնած են պատահական կամ էլ մասնագիտական ոչ բավարար գիտելիքներով մասնագետները:

«Զինվոր» հասարակական կազմակերպությունների համակարգող խորհրդի նախագահ Մարգարիտա Խաչատրյանը 2015 թվականի առաջին կիսամյակում խորհրդի մի խումբ անդամների հետ շրջայց է կատարել ԶՈւ զորամասերով, այցելել է մի քանի հոսպիտալներ, ծրագրեր է իրականացրել զորամիավորումներում եւ զորահավաքակայաններում: