Լիբիայի նոր իշխանությունները դիմել են Մոսկվային՝ խնդրելով պահեստամասեր տրամադրել ավելի վաղ իրենց վաճառված մարտական տեխնիկայի նորոգման համար: Հայտնելով այդ մասին, ՌԴ ռազմատեխնիկական համագործակցության դաշնային ծառայության ղեկավար Վյաչեսլավ Ձիրկալնը տեղեկացրել է, որ խնդրի շուրջ լիբիական կողմի հետ խորհրդատվական քննարկումներ են ընթանում:

ՌԴ պետական դուման վերջերս գրեթե միաձայն հավանություն տվեց Հեռանկարային հետազոտությունների հիմնադրամի ստեղծման առաջարկությանը, ինչն իսկույն լուրջ քննարկումների առիթ դարձավ ռազմական փորձագետների շրջանում:
ՌԴ կառավարության փոխվարչապետ Դմիտրի Ռոգոզինի բնորոշմամբ, ստեղծվում է «գիտատեխնիկական գիշատիչ, որը դիտարկելու է երկրում իրականացվող բոլոր գիտատեխնոլոգիական հեռանկարային մշակումները», և որ արդեն իսկ կա 150 նման ծրագիր:

Երբ ՌԴ զինված ուժերի գլխավոր շտաբի պետ, բանակի գեներալ Նիկոլայ Մակարովը դիտելով ֆիննական «Patria AMV» անվավոր զրահամեքենան, հայտարարեց, որ անհրաժեշտ է ուսումնասիրել նրա հնարավորությունները, զանգվածային լրատվամիջոցներն իսկույն հեղեղվեցին մեքենայի մեծաքանակ գնումներ կատարելու Մոսկվայի պատրաստակամության մասին լուրերով: Խոսքը վերաբերում է սպառազինությունում 122 միլիմետրանոց հրանոթ ունեցող «NEMO» մարտական մեքենային, որը կարող է կրակ վարել ինչպես սովորական հրանոթից, այնպես էլ ականանետից և հաճախ դասակարգվում է որպես «Հաուբից-ականանետ»: Իսկ իրականում…

ՌԴ զինված ուժերի գլխավոր շտաբի պետ, բանակի գեներալ Նիկոլայ Մակարովը երեկ եռօրյա այցով մեկնեց Մեծ Բրիտանիա բանակցություններ վարելու երկրի զինված ուժերի պաշտպանության շտաբի պետ, գեներալ Դեվիդ Ռիչարդսոնի և Մեծ Բրիտանիայի զինված ուժերի միացյալ ուժերի հրամանատարության ղեկավար, ավիացիայի գլխավոր մարշալ Ստյուարտ Պիտչի հետ:

Երեկ՝ Ֆրանսիայի նախագահ Ֆրանսուա Օլանդի և Գերմանիայի կանցլեր Անգելա Մերկելի հանդիպումից մի քանի ժամ առաջ պղծվել են նացիսական Գերմանիայի բանակի շուրջ 40 զինվորների գերեզմաններ:
Պետությունների ղեկավարների հանդիպումը նվիրված էր երկու համաշխարհային պատերազմներից հետո Ֆրանսիայի ու Գերմանիայի միջև Շառլ դը Գոլի և Կոնրադ Ադենաուերի միջև հաշտության պատմական պայմանագրի կնքման 50-րդ տարեդարձին:

Զորախաղերի ընթացքում սիրիական նավատորմը «հետ է մղել» երկրի ծովից իրականացվող հարձակումը՝ մարտական հրթիռներ արձակելով ռազմանավերից ու ցամաքում տեղակայված մարտկոցներից: Զորախաղերին, որին ակտիվ մասնակցություն են ունեցել նաև ուղղաթիռները, ներկա է եղել նաև Սիրիայի պաշտպանության նախարար Դավուդ Ռայխը, ինչպես նաև երկրի զինված ուժերի բարձրաստիճան հրամանատարությունը:

Դեռ մի քանի օր առաջ Սիրիայի նախագահ Բաշար Ասադի մերձավոր զինակիցներից գեներալ Մանաֆ Թլասը, որ մի քանի օր առաջ կառավարական զորքերի 83 զինծառայողների հետ դասալքելով փախել էր Թուրքիա, մեկնում է Ֆրանսիա: Այդ մասին «Սիրիայի բարեկամների ակումբի» անդամ պետությունների ներկայացուցիչների հանդիպման կուլիսներում հայտնել է Ֆրանսիայի արտգործնախարարը: