Language:

  • Հայերեն
  • Русский
  • English

Նորություններ

ՍԻՐԻԱԿԱՆ ԲԱՆԱԿԸ ՎԵՐԱՀՍԿՈՒՄ Է ԴՈՒՄԱ ՔԱՂԱՔԸ

Սիրիական կառավարական զորքերի ստորաբաժանումները վերականգնել են վերահսկողությունը Դամասկոսից ընդամենը 13 կիլոմետր հեռավորության վրա գտնվող Դումա քաղաքի, ինչպես նաև մայրաքաղաքի արևելյան արվարձանների նկատմամբ, որոնք վերջին երկու շաբաթների ընթացքում գտնվում էին գորհայինների ձեռքում:

ԹՈՒՐՔ-ՍԻՐԻԱԿԱՆ ՍԱՀՄԱՆԻՆ ԵՐԿՈՒՍՏԵՔ ԶՈՐՔԵՐ ԵՆ ԿԵՆՏՐՈՆԱՑՎՈՒՄ

Ի լրումն վերջին օրերին Սիրիայի հետ սահմանի մոտակայքում տանկերի, հրետանու և համազարկային կրակի կայանքների կենտրոնացման, Թուրքիան այս հատվածում վերատեղակայել է նաև «F-16» վեց կործանիչներ՝ իր այդ քայլը պատճառաբանելով վերջին շրջանում Սիրիայի ռազմաօդային ուժերի ուղղաթիռների՝ երեք անգամ թուրքական սահմանին մոտենալու հանգամանքով, թեև Անկարան ընդունում է, որ օդային սահմանի խախտում այդուհանդերձ չի գրանցվել:

47 ԶՈՀ` ԼԻԲԻԱՅՈՒՄ ՄԻՋՑԵՂԱՅԻՆ ԲԱԽՈՒՄՆԵՐԻ ԸՆԹԱՑՔՈՒՄ

Օտարերկրյա լրատվամիջոցները հաղորդում են, որ Լիբիայի հարավ-արևելքում բռնկված հերթական միջցեղային զինված բախումների 5 օրերի ընթացքում արդեն զոհվել է 47 և վիրավորվել ավելի քան 100 մարդ, այդ թվում նաև՝ կանայք ու երեխաներ:
Կողմերը կիրառում են ծանր զինատեսակներ և նույնիսկ զրահատեխնիկա, իսկ կառավարական զորքերը չեն միջամտում բախումներին:

ՄՈՍԿՎԱՆ ՉԻ ՍԿՍԻ ՍՊԱՌԱԶԻՆՈՒԹՅՈՒՆՆԵՐԻ ԿՐՃԱՏՄԱՆ ԲԱՆԱԿՑՈՒԹՅՈՒՆՆԵՐԸ

ՌԴ արտգործնախարարության հատուկ հանձնարարություններով դեսպան և ՄԱԳԱՏԷ-ի կառավարիչների խորհրդում ՌԴ ներկայացուցիչ Գրիգորի Բերդեննիկովը հայտնել է, որ բանակցությունները չեն վերսկսվի, քանի դեռ Վաշինգտոնը չի փոխել իր դիրքորոշումը հակահրթիռային պաշտպանության եվրոպական համակարգի նկատմամբ:

ՈՒԶԲԵԿՍՏԱՆԸ ՀԱՍՏԱՏԵԼ Է ՀԱՊԿ-ԻՆ ԻՐ ԱՆԴԱՄԱԿՑՈՒԹՅԱՆ ԴԱԴԱՐԵՑՈՒՄԸ

Երկրի արտգործնախարարության տարածած հայտարարությունում ասվում է, որ այդ մասին հունիսի 20-ին համապատասխան նոտա է ուղարկվել ՀԱՊԿ քարտուղարություն, որում հստակ շարադրված են նման որոշման կայացման դրդապատճառները: Դրանք, սակայն, արտգործնախարարության հայտարարությունում չեն մանրամասնվել:

ՌՈՒՍԱՍՏԱՆԸ ԹՈՒՅԼԱՏՐԵԼ Է ՕԴԱՅԻՆ ՏՐԱՆԶԻՏԸ ԴԵՊԻ ԱՖՂԱՆՍՏԱՆ

Ռուսաստանի կառավարությունը թույլատրել է Ուլյանովսկով ցամաքային՝ երկաթուղային և ավտոմոբիլային, ինչպես նաև օդային ճանապարհներով տրանզիտ բեռնափոխադրումների իրականացումը դեպի Աֆղանստան և հակառակ ուղղությամբ:

ՀՐՈՒՄ ՉԻ ԱՅՐՎՈՒՄ, ՀԱՐՎԱԾԻՑ ՉԻ ՊԱՅԹՈՒՄ

Ռուսաստանյան «РТ-Химические технологии и композиционные материалы» հոլդինգը հրթիռահրետանային զինամթերքի համար ստեղծել է հրակայուն կոնտեյներներ: Արտաքին միջավայրում Ցելսիուսի 1.500 աստիճան ջերմության դեպքում նրանց ներսում ջերմաստիճանն առաջին 15 րոպեների ընթացքում չի գերազանցում 170 աստիճանը, իսկ հրթիռներն ու արկերը չեն պայթում երկհարկանի տան բարձրությունից ցած ընկնելիս: Այս բնութագրերը նկատելիորեն գերազանցում են ՌԴ պաշտպանության նախարարության ներկայացրած պահանջները: