Օրերս ՀՀ ԶՈՒ զորամասերից մեկում անցկացվեց միջոցառում, որը նվիրված էր մայիսյան հաղթանակներին: Միջոցառումը կազմակերպվել էր «Հայկական Լեգեոն» եւ «Անկախության բանակ» ռազմահայրենասիրական հասարակական կազմակերպությունների նախաձեռնությամբ: Միջոցառմանը ներկա էին զորամասի հրամանատար, գնդապետ Ա. Բաղդասարյանը, զորամասի սպայական կազմը, Արցախյան ազատամարտին մասնակցած ազատամարտիկներ, զինվորներ, ծնողներ, լրագրողներ, հյուրեր:

Ռուբեն Միրոյանի անվան թիվ 77 դպրոցում արդյունավետ աշխատանք է կատարվում ռազմահայրենասիրական դաստիարակության ուղղությամբ։
Այս կրթօջախում հաճախակի են կազմակերպվում միջոցառումներ՝ նվիրված հայոց լեզվին, հայոց պատմությանը, հայ ազգին, հայ ընտանիքին, հայկական բանակին, կազմակերպվում են հանդիպումներ Արցախյան պատերազմի մասնակիցների, զինվորականների, Հայրենական մեծ պատերազմի վետերանների հետ:

Մեր Քաշաթաղի շրջանը հարուստ է պատմամշակութային բազում հուշարձաններով, այժմ էլ շրջանի տարբեր բնակավայրերում նորակերտ հուշակոթողներ են տեղադրվում՝ հիմնականում խաչքարի տեսքով, որոնք բոլորն էլ նվիրված են հայ ազատամարտիկներին: Նման մի խաչքար էլ տեղադրվեց Դրախտաձոր գյուղում:

Օրերս Գայի անվան թիվ 129 դպրոցում մեծ շուքով նշեցին Հայրենական մեծ պատերազմի 68 և Շուշիի ազատագրման 21-ամյակները: Միջոցառմանը մասնակցում էին 5-9-րդ դասարանների աշակերտները: Հնչեցին ոգեշունչ երգեր, ելույթ ունեցավ դպրոցի երգչախումբը: Զինվորական համազգեստ հագած թատերական խմբակի անդամները ներկայացրին դրվագներ կռվի դաշտից: Շարադրությունների մրցույթում հաղթողները կարդացին իրենց նամակները` ուղղված ռազմի դաշտում հայրենիքի սահմանները հերոսաբար պաշտպանող զինվորներին: Մեծարվեց վերջերս ՀՀ պաշտպանության նախարարի կողմից հոբելյանական մեդալի արժանացած զինղեկ Արա Գրիգորյանը:

Մայիսի 7-ին ՀՀ ՊՆ Սպայի տանը կազմակերպվել էր «Գևորգյան մարտարվեստի դպրոց» հայրենասիրական-երիտասարդական կենտրոնի անդամների հանդիպումը Արցախյան ազատամարտի նվիրյալների հետ: Միջոցառման խորագիրն էր` «Ճանաչենք նրանց»: Այն կազմակերպել էին «Գևորգյան մարտարվեստի դպրոցի» հիմնադիր Գևորգ Գևորգյանը և Սպայի տան պետ, գնդապետ Գուրգեն Խաչատրյանը:

Հարազատ եղբայրներս` Գառնիկ և Տիգրան Մուրադյանները, ծառայում են սահմանային զորամասում, ծառայում են անմնացորդ նվիրումով, բարեխիղճ եւ անտրտունջ: Ձեր թերթի միջոցով ուզում եմ նրանց ասել` ես շատ հպարտ եմ, որ դուք ծառայում եք հայոց բանակում և հսկում եք մեր ու մեր ծնողների անդորրը: Սիրում և կարոտով սպասում ենք ձեզ:
Նաեւ ողջունում եմ նույն զորամասում ծառայողներ Նարեկ Մանուկյանին և Ներսես Մայսուրյանին: Բոլոր զինվորներին մաղթում եմ խաղաղ, անվտանգ եւ անփորձանք ծառայություն: Հիշեք` ձեզ տանը սպասում են:

Հայ ժողովրդի եւ ոչ մի սերունդ, ամենաօրհասական պահին անգամ, գեթ մի վայրկյան չի համակերպվել իր պատմական հողերը անվերադարձ կորցնելու մտքի հետ, չի ասել՝ եղածը եղած է, չի հրաժարվել երբեմն անհավանական թվացող երազներից։ Ու եթե զենք չի առել, եթե անգամ ուժ չի ունեցել բարձրաձայնելու, միեւնույն է, բռնադատված հայրենիքի յուրաքանչյուր թիզը իրենն է համարել, փայփայել է հոգում գերեվար հողի ազատագրության տեսիլքը ու□ սպասել է իր ժամին։