Պետական սահմանի պահպանության ժամանակ վայր ընկած ու լրիվ այրված ուղղաթիռում զոհվել են անձնակազմի 2 անդամները և «Սոյուզ» հեռուստառադիոընկերության 3 լրագրողներ, ովքեր պատրաստում էին սահմանապահների ծառայությունը լուսաբանող հատուկ թողարկում: Վթարի պատճառները դեռևս անհայտ են:

Ընթացիկ տարվա համեմատ այն կաճի 2.5-3 անգամ, երբ ՌԴ Պետական դուման հաստատի զինծառայողների դրամական բավարարման ավելացման վերաբերյալ ՌԴ Նախագահի կողմից ներկայացված օրինագծերի փաթեթը: Իսկ զինծառայողների թոշակները կավելանան 1,6 անգամ:

Այն այդքան, ավելի ճիշտ` 996 ռուսական ռուբլի է գնահատել Ռուսաստանի պաշտպանության նախարարությունը: Իսկ ձմեռային հանդերձանքն արժե 2.443 ռուբլի: ՌԴ զինված ուժերն այսօր ունեն հանդերձանքի մատակարարման չորս աղբուր: Նրանց ընտրությունը կատարվում է աճուրդային կարգով:
Ռուսական զինվորական համազգեստների մշակմանը մասնակցել են նորաձևության հայտնի վարպետներ Վալենտին Յուդաշկինն ու Իգոր Չապուրինը, որոնց աշխատանքները, սակայն, հետագայում հարկ է եղել լրամշակելու:

Դոնի Ռոստովի դատարանը ՌԴ զինված ուժերի նախկին զինծառայող Դավիթ Ալիևին և նրա մորը մեղավոր ճանաչելով լրտեսության ու պետական դավաճանության մեջ, դատապարտել է համապատասխանաբար 10 և 8 տարվա ազատազրկման:
Դատարանն ապացուցված է համարել այն, որ ծառայելով Հարավային զինվորական օկրուգում, Ալիևը տեղեկություններ է հավաքել ռուսական բանակում տիրող իրավիճակի մասին, որոնք նրա մայրը հանձնել է Վրաստանի հատուկ ծառայություններին, ինչի դիմաց ընտանիքը ստացել է 5000 ԱՄՆ դոլար: Նախկին սպան պատիժը կկրի խիստ ռեժիմի գաղութում:

Աշխարհում ռուսական արտադրության հատուկ նշանակության սպառազինության վաճառքի ծավալները 2001 թվականից ի վեր ավելացել են 10, իսկ ընդհանուր սպառազինության վաճառքի ծավալները՝ 3 անգամ: «Ռօսօբորոնէքսպորտն» այսօր ունի զենքի վաճառքի վերաբերյալ 35-37 միլիարդ ԱՄՆ դոլարի պատվերներ աշխարհի շուրջ վեց տասնյակ պետություններից: Ռուսական զենքի խոշորագույն գնորդներն են Հնդկաստանը, Ալժիրը, Վիետնամը, Վենեսուելան ու Չինաստանը:

Ռուսաստանի զինված ուժերի կազմում կազմավորվել է «Իսկանդեր» օպերատիվ-տակտիկական հրթիռային համալիրների առաջին բրիգադը: Այն մտնում է արևմտյան զինվորական օկրուգի կազմի մեջ: Ներկայումս բրիգադը Լենինգրադյան շրջանի հրաձգարաններից մեկում մասնակցում է տակտիկական զորավարժության:
Հեռանկարում «Իսկանդերը» պետք է փոխարինի դեռ 1970-ական թթ. սպառազինության կանգնած և արդեն հնացած «Точка» տակտիկական հրթիռային համալիրին: Վերջինիս հետ համեմատած «Իսկանդերը» զգալի առավելություններ ունի բոլոր ցուցանիշներով` կրակի հեռավորություն և ճշգրտություն, մարտական մասի ծավալ, զինամթերքի քանակ, տեղաշարժման արագություն և այլն:

Մինչև 2014թ. Ռուսաստանում նախատեսվում է հիմնել ռուս-ուկրաինական համատեղ մշակման АН-70 ռազմատրանսպորտային ինքնաթիռների արտադրություն: Այդ մասին հայտնել է ՌԴ պաշտպանության նախարար Անատոլի Սերդյուկովը իր ուկրաինացի գործընկեր Միխաիլ Եժելի հետ հանդիպումից հետո:
Ինքնաթիռի մշակումն իրականացվում է երկու պետությունների համատեղ ֆինանսավորմամբ: Մինչև 2013թ. Ռուսաստանը պետք է ներդնի 2,4 միլիարդ ռուբլի (շուրջ 85 միլիոն դոլար), իսկ Ուկրաինան` 480 միլիոն գրիվնա (շուրջ 60 միլիոն դոլար): Ուկրաինան առայժմ 3 նման ինքնաթիռ գնելու ցանկություն է հայտնել. իսկ ռուսական բանակը 2011-2020թթ. վերազինման ծրագրի համաձայն նախատեսում է գնել 60 ինքնաթիռ: