Ուշադրության կենտրոնում
Օրերս արաբական «Ալ-Արաբիա» հեռուստատեսությանը տված հարցազրույցում Շեյխանի էմիր, համայն աշխարհի եզդիների առաջնորդ Միր Թահսին բեգը ի լուր աշխարհի հայտարարել է, որ եզդին եւ՛ կրոն է, եւ՛ ազգություն: Նա մասնավորապես ասել է. «Իրաքը մեր պետությունն է, բայց մենք` եզդիներս, արդեն չենք կարող վերադառնալ ու ապրել մեր հարազատ վայրերում, եթե ՄԱԿ-ի հովանու ներքո եզդիների, քրիստոնյաների, շաբակների եւ այլ ազգային փոքրամասնությունների համար հատուկ տարածաշրջան չստեղծվի: Փեշմարգաների (քրդական զինյալ ուժեր) փախուստը կռվի դաշտից մեծ հարված հասցրեց Շանգալին եւ ընդհանրապես բոլոր եզդիներին: Շանգալը նրանց վերահսկողության տակ էր, եւ ամբողջ պատասխանատվությունն ընկնում է նրանց ուսերին: Այսօր ոչ ոք, այդ թվում նաեւ քրդերը, չեն կարող ներկայացնել մեր ժողովրդի շահերը, այն կարող է ներկայացնել միայն եզդի ժողովուրդը, եւ միայն նրանք կարող են իրենց պաշտպանել:
Հայոց ցեղասպանության 100-րդ տարելիցին ընդառաջ պոլսահայ գրող, լրագրող, հրապարակախոս Էթյեն Մահչուփյանը նշանակվել է Թուրքիայի վարչապետ Ահմեդ Դավութօղլուի գլխավոր խորհրդական: Նա թուրքական կառավարության թերևս միակ ոչ մահմեդականն է: Ըստ թուրքական «Սաբահի»` Մահչուփյանն այդ պաշտոնում աշխատելու առաջարկն ստացել է անձամբ վարչապետից: Իսկ ինքը` Դավութօղլուն, մեկնաբանելով` ասել է, որ գլխավոր խորհրդականի ազգային պատկանելությունը ամենևին կապ չունի իր նշանակման հետ:
Ձմեռային զորակոչին ընդառաջ զինկոմիսարիատում տարվում են նախապատրաստական աշխատանքներ: Պատանիներն անցնում են բժշկական զննումներ, և եթե զինակոչիկն ունի առողջական խնդիրներ, գործուղում ենք ստացիոնար հետազոտման, հակառակ դեպքում՝ միանգամից իրականացնում ենք կցագրումը: Կցագրման գործընթացն սկսվում է պատանիների տասնվեց տարին լրանալուց հետո: Այնուհետև, տասնութ տարին լրանալուն պես, պատանիները, որոնք արդեն ենթակա են զորակոչման, կրկին ներկայանում են զինկոմիսարիատ, անցնում բուժզննում, որից հետո զորակոչվում են, իսկ որոշակի առողջական խնդիրներ ունեցողները ներկայանում են հանրապետական բժշկական հանձնաժողով՝ սպասելով համապատասխան որոշման:
Զորապետների համար չափազանց կարևոր են հարձակվող հակառակորդի կենդանի ուժի, ռազմական տեխնիկայի, մտադրությունների, շարժման հնարավոր ուղղությունների մասին ժամանակին ստացված տեղեկությունները: Դրանք օգնում են նրանց մարտավարության ընտրության, սեփական ուժերի դասավորման, մի խոսքով՝ պաշտպանությունը ճիշտ կազմակերպելու ու թշնամուն ջախջախելու հարցերում: Չնայած այն իրողությանը, որ գիտատեխնիկական առաջընթացի մեր ժամանակներում հետախուզությունն ավելի շատ կատարվում է արբանյակային կապի, ինքնաթիռների և անօդաչու թռչող սարքերի միջոցով, չի նվազում սակայն մարդու, իր հայրենիքին նվիրված զինվորի բերած տեղեկությունների արժեքը:
Հոկտեմբերի 13-19-ը Հայաստանի «Կամխուդ» և «Ալագյազ» բարձրադիր լեռնային համալիրներում անցկացվեցին ռազմական վարժանքներ՝ ներառելով Հարավային ռազմական շրջանի ռուսական ռազմակայանների բոլոր զինվորական մասերը:
Վարժանքների ժամանակ, որոնք հանդիսանում էին ամառային ուսուցման ավարտական քննություններ, մասնակցում էին մոտ 3 հազար զինծառայողներ, և ներգրավված էին ավելի քան 500 միավոր ռազմական և հատուկ տեխնիկա, այդ թվում` ռուսական ավիացիոն միավորման ՄԻԳ-29 կործանիչներ, որոնք տեղակայված էին «Էրեբունի» ռազմական օդակայանում:
Հայաստանը, ԵՏՄ երկրների մեջ լինելով Իրանին սահմանակից միակ պետությունը, ունի բոլոր հնարավորությունները վերածվելու Միության և Իրանի միջև տնտեսական կապ ապահովող միավորի: Այս համատեքստում խոսքը նախ և առաջ վերաբերում է Իրանի և ԵՏՄ միջև ապրանքաշրջանառությանն ու երկկողմ ներդրումներին, որոնց համար, կարծում եմ, համագործակցության հատուկ ձևաչափեր կսահմանվեն: Հասկանալի է, որ ԵՏՄ-ը չի կարող արդարացնել իր գոյությունը, եթե փորձի պարփակվել ինքն իրենով, իսկ իրանական շուկան շուրջ 80 մլն բնակչությամբ մեծ հնարավորություններ է ընձեռում ԵՏՄ երկրներին իրացնելու սեփական արտադրանքը:
