Նորություններ
Հրամանատարական և դասախոսական կազմի ուժերով մարտի 28-ին ՀՀ ՊՆ Վ. Սարգսյանի անվան ռազմական համալսարանի մարտական հերթապահության նախապատրաստման ավանում, զորային ստաժավորմանը նախապատրաստվելու նպատակով, 3-րդ կուրսի և մեկամյա սպայական դասընթացների կուրսանտների հետ անցկացվել է գործնական պարապմունք:
Ստորաբաժանումների դաշտային ներդաշնակման կատարելագործման նպատակով մարտի 27-ին 4-րդ զորամիավորման ենթակա զորամասերից մեկում անցկացվել է մարտական հրաձգություն:
Հրամանատարների մասնագիտական գիտելիքներն ու գործնական հմտությունները զարգացնելու, ինչպես նաև առաջադրված խնդիրների կատարման գործընթացում միանման մոտեցումներ ձևավորելու նպատակով խաղաղապահ ուժերի բրիգադում անցկացվել են մարտավարության, զորահավաքային, տեխնիկական և գաղափարադաստիարակչական պատրաստության հրամանատարական պարապմունքներ:
Մարտի 27-ին, աշխատանքային այցի շրջանակում, ՀՀ պաշտպանության նախարար Դավիթ Տոնոյանը հանդիպումներ է ունեցել ԱՄՆ Կանզաս նահանգի ղեկավարության, մասնավորապես՝ Կանզասի նահանգային կառավարության անդամների՝ գյուղատնտեսության քարտուղար Մայք Բիմի, առևտրի քարտուղար Դեյվիդ Թոլանդի և առողջապահության քարտուղար Լի Նորմանի հետ։
Մարտի 26-ին տեղի է ունեցել Մեծ Բրիտանիայի կառավարության կողմից ֆինանսավորվող և Երևանում Եվրոպայի խորհրդի գրասենյակի կողմից իրականացվող «Զինված ուժերում մարդու իրավունքների եվրոպական չափանիշների կիրառման ամրապնդումը Հայաստանում» ծրագրի ամփոփիչ խորհրդաժողովը:
ՀՀ պաշտպանության նախարար Դավիթ Տոնոյանը ՄԱԿ-ի խաղաղապահության պաշտպանության նախարարների համաժողովին մասնակցելու նպատակով մարտի 26-ին մեկնել է ԱՄՆ: