Ապրիլի 4-ին Եղեգնաձորի մարզադպրոցում անցկացվել է ՀՀ ԶՈւ բանակային ձեռնամարտի առաջնության հերթական մրցափուլը, որին մասնակցել են 4-րդ զորամիավորման ենթակա զորամասերի հավաքական թիմերը: Մրցափուլի արդյունքներով լավագույն ճանաչված մարզիկ-զինծառայողները զորամիավորման հավաքական թիմի կազմում կմասնակցեն համաբանակային առաջնության եզրափակիչ փուլին:

Սպաների գործնական հմտությունների և մասնագիտական ունակությունների կատարելագործման, զորքերի ծառայության կազմակերպման մեթոդական պատրաստվա­ծության մակարդակը բարձրացնելու նպատակով ապրիլի 1-ից ԶՈՒ ԳՇ զորքերի ծառայության և ԶԾԱԱ վարչության անձնակազմի հետ անցկացվում են հրամանատարական հավաքներ:

4-րդ զորամիավորման ենթակա զորամասերից մեկում ապրիլի 4-ին անցկացվել է մարտավարական պատրաստության պարապմունք, որի նպատակը հարձակվող զորքերի խոցման, զբաղեցրած շրջանների և դիրքերի պահպանման, հարձակման ժամանակ հակառակորդի պաշտպանության ճեղքման, նահանջող հակառակորդի հետապնդման և հանդիպակաց մարտի վարման ուսուցանումն էր:

Ապրիլի 4-ին 2-րդ զորամիավորման ներկայացուցիչները, մարզպետարանի, կայազորային զինվորական կոմիսարիատի աշխատակիցների և Զոլաքարի համայնքապետը աջակցություն հայտնելու և հարգանքի տուրք մատուցելու նպատակով այցելեցին 2016թ. ապրիլի 4-ին շփման գծում հակառակորդի կողմից հրադադարի խախտման հետևանքով ծավալված մարտերում զոհված զինծառայողներ՝ շարքային Դավիթ Ռազմիկի Հայրապետյանի և ենթասպա Գագիկ Սուրիկի Մելքոնյանի հարազատներին:

Բանակի հոգևոր առաջնորդ, գերաշնորհ Տեր Վրթանես եպիսկոպոս Աբրահամյանը օրերս 5-րդ զորամիավորման մշտական տեղակայման վայրում, հանդիսավոր պայմաններում զինծառայողներին հանձնեց խաչ-կրծքանշաններ:

Ապրիլի 4-ին ՀՀ պաշտպանության նախարար Դավիթ Տոնոյանն ընդունել է Հայաստանում Սուրբ Աթոռի առաքելական նվիրակ Գերապայծառ Ժոզե Ավելինու Բետանկուրին:

ՀՀ ԶՈՒ և ՌԴ ԶՈՒ զորքերի (ուժերի) միացյալ խմբավորման հրամանատար, գեներալ-մայոր Տիգրան Փարվանյանի ղեկավարությամբ ապրիլի 1-ից ՀՀ ՊՆ «Բաղրամյան» զորավարժարանում մեկնարկել է հայ-ռուսական միացյալ զորախմբի (ուժերի) ստորաբաժանումների ներգրավմամբ անցկացվող գումարտակային մարտավարական լայնածավալ զորավարժությունը: