Նորություններ
Սվերդլովսկի մարզային դատարանը ութ տարվա ազատազրկման է դատապարտել “НПО Автоматики имени академика Семихатова” փակ գիտաարտադրական միավորման աշխատակից Ալեքսանդր Գնիտեևին, որ փողի դիմաց հավաքել և արտասահմանյան մի պետության հատուկ ծառայություններին է հանձնել պետական գաղտնիք պարունակող տեղեկություններ ռուսաստանյան հրթիռային տեխնիկայի, մասնավորապես “Булава” հրթիռում կիրառվող նորագույն մշակումների մասին: Դավաճանն իր պատիժը պետք է կրի խիստ ռեժիմի գաղութում:
ՌԴ պաշտպանության նախարարությունը 8,4 միլիոն ռուբլի է հատկացրել իր պաշտոնական կայքէջում 2011-2015 թվականների ընթացքում հնացած զինամթերքի ու ռազմական տեխնիկայի ոչնչացման գործընթացը ներկայացնող բաժին ստեղծելու համար:
Բաժնում կներկայացվի ծրագրի մասին ընդգրկուն տեղեկատվություն. ընթացքը, ֆինանսավորումը, մրցույթների անցկացումը, աշխատանքների կատարման մասին հաշվետվությունները, այս ասպարեզին առնչվող գիտահետազոտական աշխատանքների արդյունքները, զինամթերքի ու ռազմական տեխնիկայի ոչնչացման նորմատիվ իրավական բազան և ոչնչացման տեխնոլոգիան:
ՌԴ պաշտպանության նախարարի տեղակալ Անատոլի Անտոնովը ներկայացրել է, թե ինչպիսին պետք է լինեն հակահրթիռային պաշտպանության եվրոպական համակարգի` Ռուսաստանի դեմ ուղղված չլինելու վերաբերյալ իրավական երաշխիքները:
Դրանք պետք է լինեն գրավոր որոնցում, հստակ պետք է նշվի, որ համակարգն ուղղված չէ Ռուսաստանի միջուկային զսպման ուժերի դեմ, և տրամադրվի ռազմատեխնիկական բավարար տեղեկատվություն հակահրթիռների քանակության, արագության, նրանց տեղադրության վայրերի, տեղեկատվական համակարգերի և մնացյալ տեխնիկական խնդիրների մասին:
Միաժամանակ նա վերստին հաստատել է, որ Ռուսաստանը դեմ է համակարգը տիեզերքում տեղակայելուն:
Մեկնաբանելով առաջիկայում իսրայելական արտադրության 24 անօդաչու թռչող սարքեր գնելու մասին մամուլում շրջանառվող լուրերը, ՌԴ կառավարությանն առընթեր ռազմարդյունաբերական հանձնաժողովի նախագահ Յուրի Բորիսովը հայտարարել է, որ նման գործարքն իրականացվում է միայն այս հանձնաժողովի համաձայնությամբ, իսկ պաշտպանության նախարարությունը պետական պաշտպանական պատվերում ընդգրկելու համար նման հայտ չի ներկայացրել և եթե այժմ զբաղված լիներ նման հայտի մշակմամբ, ապա իր ղեկավարած հանձնաժողովն անպայման տեղեկացված կլիներ այդ մասին:
Ռուսական հռչակավոր «Կալաշնիկովի ավտոմատներն» արտադրող «Ижмаш» գիտաարտադրական միավորումն ականավոր կոնստրուկտորի ընտանիքի հետ բանակցություններ է վարում «Калашников» բրենդի նկատմամբ իրավունքները ձեռք բերելու և այն առավել արրդյունավետ օգտագործելու համար`կոնստրուկտորի ընտանիքին խոստանալով երաշխավորված կայուն եկամուտ:
Կաունասում հանդիսավորապես հուղարկավորվելու համար ԱՄՆ-ից Լատվիա է տեղափոխվել ֆաշիստական օկուպացիայի սկզբնական շրջանում մի քանի ամիս հանրապետության ժամանակավոր կառավարությունը գլխավորած Յոուզաս Բրայզայտիսի (Ամբրազյավիչյուսի) աճյունը: Լիտվայի ազատագրման ժամանակ նա փախել էր Գերմանիա, ապա տեղափոխվել ԱՄՆ, որտեղ և մահացել էր 1974 թվականին:
ՌԴ օդատիեզերական պաշտպանության ուժերը Պլեսեցկ տիեզերակայանից հաջողությամբ իրականացրել են ռազմական նշանակության միջին դասի «Союз-У» տանող հրթիռի արձակում: Հրթիռը տիեզերք է դուրս բերել «Космос» դասի տիեզերական սարքավորում, որն աշխատելու է ՌԴ պաշտպանության նախարարության համար: Արձակումը ղեկավարել է օդատիեզերական պաշտպանության զորքերի հրամանատար, գեներալ-լեյտենանտ Օլեգ Օստապենկոն: