Language:

  • Հայերեն
  • Русский
  • English

Ազգային բանակ

ԲԱՐՁՐ ՊԱՀԵԼ ԱԶԳԱՅԻՆ ԲԱՆԱԿԻ ՀԵՂԻՆԱԿՈՒԹՅՈՒՆԸ

Ազգային բանակի կազմավորման առաջին շրջանում, 1992թ. մայիսի 5-ին, առաջին պաշտպանության նախարար Վազգեն Սարգսյանի ստորագրած հրամանով, սկսեցին ձեւավորվել ռազմական ոստիկանության կենտրոնական եւ տարածքային (կայազորային) ստորաբաժանումները։ Արցախյան պատերազմի եւ բանակաշինության հետագա տարիներին ռազմական ոստիկանությունը ծավալուն աշխատանք կատարեց բանակում ծառայողական կարգապահությունն ամրապնդելու, զինծառայողների փոխհարաբերությունները կարգավորելու եւ բազմաթիվ այլ հարցերում։

Ս.թ. մայիսի 4-ից 7-ը Արմավիրի ուսումնական զորամասում անցկացվում է պայմանագրային սերժանտների ավարտական քննությունների հանձնում:
Քննությունների ընթացքում կստուգվեն պայմանագրային սերժանտների գիտելիքները, ունակություններն ու հմտությունները:

Ս.թ. մայիսի 10-ից 14-ը 5-րդ ԲԿ զորամասերից մեկի բազայի վրա կանցկացվի մարտական հրաձգությամբ մարտավարական զորավարժություն:

Ս.թ. մայիսի 24-ից 27-ը Սյունիքի, Վայոց ձորի և Արարատի մարզերի զորամասերում կանցկացվի մարտական պատրաստության գործընթացի վերահսկում և հրամանատարներին մեթոդական ու գործնական օգնության ցուցաբերում: Միջոցառման նպատակն է վերացնել մարտական պատրաստության պլանավորման, հաշվառման, անհրաժեշտ փաստաթղթերի մշակման, հավաքների և պարապմունքների անցկացման թերությունները:

ԶՈՐԱՎԱՐԺՈՒԹՅՈՒՆ ՊԱՇՏՊԱՆՈՒԹՅԱՆ ԲԱՆԱԿՈՒՄ

Ապրիլի 18-23-ը մի շարք միավորումների ու զորամասերի հետ անցկացվել է երկաստիճան հրամանատարաշտաբային զորավարժություն, որն աշխարհաքաղաքական ու տարածաշրջանային վերջին զարգացումների համայնապատկերի վրա նպատակուղղված էր մեր երկրի պաշտպանունակության եւ զինված ուժերի մարտունակության բարձրացմանը:
Զորավարժության անցկացումը նախատեսված էր տարվա մարտական պատրաստության պլանով: Առավելագույնս հաշվի էին առնվել հակառակորդի կողմից առկա սպառնալիքները եւ նրա բոլոր հավանական գործողությունները։

ԱՎԱՐՏԱԿԱՆ ՔՆՆՈՒԹՅՈՒՆՆԵՐ ՈՒՍՈՒՄՆԱԿԱՆ ԶՈՐԱՄԱՍՈՒՄ

Ապրիլի 26-ին ազգային բանակի ուսումնական զորամասերում սկսվեցին ավարտական քննությունները։ Պաշտպանության նախարարության եւ ԶՈՒ ԳՇ-ի կազմավորած հանձնաժողովները շուրջ մեկ շաբաթ կստուգեն կուրսանտների գիտելիքները, որից հետո կկատարվի տեղաբաշխում, եւ երիտասարդ մասնագետները ծառայությունը կշարունակեն մարտական զորամասերում։ Կուրսանտների ստացած գնահատականները կկարեւորվեն ինչպես նրանց տեղաբաշխման, այնպես էլ զորամասերի գործունեության գնահատման ժամանակ։

ՏԱՆԿԻՍՏՆԵՐԸ

2010թ. ընթացքում փոխգնդապետ Աշոտ Ղազարյանի հրամանատարությամբ գործող տանկային զորամասը ցուցաբերեց բարձր առաջադիմություն եւ պարգեւատրվեց «ՀՀ ԶՈՒ լավագույն տանկային զորամաս» պատվո դրոշով։
Այցելելով տանկիստներին՝ մենք հետեւեցինք մեքենավարման եւ կրակային պատրաստության ցուցադրական պարապմունքի ընթացքին, զրուցեցինք հաջողության գործում առավել մեծ ներդրում ունեցող զինծառայողների հետ։