Հոկտեմբերի 7-ին Հակոբ Պարոնյանի անվան երաժշտական կոմեդիայի պետական թատրոնում անցկացվեց ուսուցիչներին նվիրված հանդիսավոր միջոցառում: ՀՀ Ազգային ժողովի, ՀՀ կառավարության, ՀՀ պաշտպանության, կրթության և գիտության նախարարությունների և ՀՀԿ կանանց խորհրդի կողմից համատեղ կազմակերպված մեծարման ցերեկույթին մասնակցեցին այն ուսուցիչները, որոնց դաստիարակած սաները հերոսաբար մարտնչեցին ապրիլյան մարտական գործողությունների ընթացքում՝ ընտրելով մահ իմացյալ ճանապարհը:

1-ին բանակային զորամիավորման ենթակա զորամասերից մեկի ավտոհավաքակայանում անցկացվեց ցուցադրական պարապմունք՝ նվիրված սպառազինության և ռազմական տեխնիկայի սեզոնային սպասարկման կազմակերպման ու անցկացման խնդիրներին:

5-րդ բանակային զորամիավորման ենթակա զորամասերի հատուկ նշանակության ստորաբաժանումները հոկտեմբերի 4-ից 5-ը իրականացրել են ուղղաթիռից պարանով դեսանտավորման վարժանքներ: Պարապմունքի նպատակն էր ռելիեֆային բարդ պայմաններում անձնակազմի գործողությունների հղկումը, դեսանտավորման ընթացքում բեռների իջեցման հնարքների վարժեցումը:

Հոկտեմբերի 3-ին 4-րդ բանակային զորամիավորման զորամասերից մեկում մեկնարկեց հրամանատարաշտաբային զորավարժություն: Պլանի համաձայն՝ զորամասի անձնակազմը տագնապով դուրս եկավ մշտական տեղակայման վայրից և նախատեսված ժամկետներում զբաղեցրեց սահմանված տեղամասերը: Տեղերում բացազատվեցին կառավարման կետեր: Ստորաբաժանումներն անցան խնդիրների կատարմանը:

ՀՀ զինված ուժերի պատրաստության պլանի համաձայն՝ սեպտեմբերի 26-ից 30-ը 5-րդ բանակային զորամիավորման ուսումնական կենտրոնում կազմակերպվեցին ենթակա զորամասերի դիպուկահարների հավաքներ: Պարապմունքների նպատակն էր դիպուկահարների մասնագիտական և կրակային պատրաստվածության աստիճանը, տեղանքում կողմնորոշվելու և քողարկվելու ունակություններն ստուգելը և այլն:

Հոկտեմբերի 1-ին պետական բարձր պարգևները Գազարյանների և Ղրմաջյանների ընտանիքին անձամբ հանձնելու նպատակով զորամիավորման հրամանատար, գեներալ-մայոր Տիգրան Փարվանյանն այցելեց ՀՀ Արմավիրի մարզի Էջմիածին քաղաք և ՀՀ Արարատի Մարզի Նիզամի գյուղ:

Սեպտեմբերի 27-ից 29-ը 2-րդ բանակային զորամիավորման շրջանակում անցկացվեց հրամանատարաշտաբային զորավարժություն: Զորավարժության թեման էր՝ զորքերի բերումը մարտական պատրաստականության բարձր աստիճանի, պաշտպանական մարտի նախապատրաստումը և վարումը հակառակորդի հետ անմիջական շփման պայմաններում: