Թուրքական «Աքշամ» օրաթերթը գրում է, որ Եվրոպական միության ֆինանսական աջակցությամբ Թուրքիան երկու հարևանների՝ Հայաստանի և Իրանի հետ սահմանին նոր սահմանային անցակետեր է բացում։Ինչպես հաղորդում է tert.am-ը` Голос России ռադիոկայանի թուրքական ծառայությունը գրում է, որ շարունակվում են նաև սահմանամերձ տարածքներն ականազերծելու աշխատանքները։

Եվրամիության արտաքին քաղաքականության հարցերով ներկայացուցիչ Քեթրին Էշթոնը և ԵՄ ընդլայնման և եվրոպական հարևանության քաղաքականության հարցերով հանձնակատար Շտեֆան Ֆյուլեն համատեղ հայտարարության մեջ անհանգստություն են հայտնել Ադրբեջանում ոչ կառավարական կազմակերպությունների վերաբերյալ օրենսդրական նոր սահմանափակող փոփոխությունների կապակցությամբ:
Ինչպես հաղորդում է tert.am-ը` Էշթոնն ու Ֆյուլեն Ադրբեջանի իշխանություններին կոչ են արել պարզեցնել միջազգային կազմակերպությունների գրանցումը, որոնք աշխատում են այլ կազմակերպությունների հետ՝ նրանց գործունեության իրականացման համար։

Սեփական արտադրության Tejas կործանիչը Հնդկաստանին արժեցել է ավելի քան 140 միլիարդ ռուփի կամ երկու միլիարդ դոլար: Ինչպես հաղորդում է News.am-ը` մոտ ութսուն միլիարդ ռուպի:
Օդանավի տարրերի 60 տոկոսը հնդկական արտադրության է: Օդանավերի առաջին էսկադրիլը ՌՕՈւ-ի կտրամադրվի 2015թ.-ին, երկրորդը՝2017թ.-ին: Նման ինքնաթիռների ընդհանուր քանակը կկազմի մոտ 200:
Լիովին հնդկական կործանիչի ստեղծմանն ուղղված առաջին աշխատանքներն սկսվել են դեռևս 1983թ.-ին:

Սեուլը կոչ է արել Տոկիոյին հրաժարվել կոլեկտիվ ինքնապաշտպանության համակարգի ստեղծմանն ուղղված ջանքերից, պնդելով, թե դրանք ապակայունացնում են Հյուսիսարևելյան Ասիայում տիրող իրավիճակը: Հարավային Կորեայի պաշտպանության նախարարության կողմից պաշտոնապես հայտարարվել է, որ թեև Ճապոնիայի քայլերն արտոնված են Վաշինգթոնի կողմից, Հարավային Կորեան ու ասիական այլ երկրները դրանք վերառազմականացում են համարում, ինչը նաև տագնապի զգացում է առաջացնում:

ԱՄՆ ԶՈւ հատուկ գործողությունների հրամանատարությունը ղեկավարող ծովակալ Ուիլյամ Մաքրեյվենը «Ալ-Կաիդայի» ղեկավար Ուսամա բան Լադենին ոչնչացնելուց տասնմեկ օր անց հրամայել է ոչնչացնել մարմնի լուսանկարները կամ դրանք հանձնել ԿՀՎ-ին: Այս մասին հայտարարել են ամերիկյան Judicial Watch իրավապաշտպան կազմակերպության ներկայացուցիչները, որոնց տրամադրության տակ է հայտնվել համապատասխան էլեկտրոնային նամակը:
Փաստաթուղթը մասամբ է գաղտնազերծվել, դրանում բացակայում են որոշ անուններ, պաշտոններ ու տարեթվեր: Մաքրեյվենի նամակը թվագրված է 2011թ.-ի մայիսի 13-ին:

65 տարվա մեջ առաջին անգամ կայացել են Չինաստանի ու Թայվանի միջև բանակցություններ՝ նախարարական մակարդակում: Ինչպես հայտնում է News.am-ը` երկու երկրների միջև պատմական հանդիպումը կայացել է Նանկինում: Դա երկու երկրների միջև բարձր մակարդակում առաջին հանդիպումն է՝ 1949թ.-ի քաղաքացիական պատերազմի ավարտից հետո, երբ Թայվանն սկսեց ղեկավարել սեփական վարչակազմը: Երկու կողմերն էլ կառուցողական դիրքորոշմամբ են մասնակցում բանակցություններին:

Կիպրոսի նախագահ Նիկոս Անաստասիադիսը և թուրք կիպրացիների առաջնորդ Դերվիշ Էրողլուն համատեղ հայտարարությամբ հաստատել են բանակցությունները շարունակելու իրենց մտադրությունը, որպեսզի հնարավորինս շուտ հնարավոր լինի հասնել կղզու միավորման և դաշնային պետության ստեղծմանը:
Համատեղ հռչակագրում երկու առաջնորդները հայտարարել են, որ ձգտում են ստեղծել միասնական Կիպրոս, որը որպես միասնական պետություն կլինի դաշնային, երկգոտի և երկու համայնքներ ունեցող: