«Տիկնայք փափկասունք Հայոց աշխարհի». այս արտահայտությունը վերցված է 5-րդ դարի պատմիչ Եղիշեի մատյանից, որում նա, խոսելով Վարդանի և Վարդանանց պատերազմի մասին, նկարագրում է նաև նահատակված կամ գերեվարված հայ զորականների կանանց կրած նեղությունները, նրանց հերոսական համբերությունն ու ազգանվեր վարքը։ «Փափկասունք», այսինքն՝ կանացիորեն նրբակազմ, վայելչատեսք, բայց և ոգով արի, քաջակորով կանայք, որոնք հիշատակության և խնկարկումի արժանի շատ գործեր են կատարել՝ փառավորելով իրենց անունները մեր ժողովրդի պատմության մեջ։ Այդ կանայք իրենց ամուսիններին կռվի ճամփած հայ գեղջկուհիներն էին, որոնք վառ էին պահում օջախի կրակը, մայրերը, որոնք զինվոր ու զորապետ էին նվիրաբերում ազգին՝ հաղթանակների օրհնանքը շուրթերին, դուստրերը, որոնք հպարտորեն կրում էին հայրական տոհմի ջիղը, քույրերը, որոնք եղբայրներ ունեին և պատրաստ էին նրանց հետ կիսել ճակատագրի բեռը…

Լուսանկարում գնդապետ Ա. Բաղդասարյանի հրամանատարությամբ գործող զորամասի նորակոչիկներն են՝ հանգստի ժամին։ Այստեղ նույնպես շատ են բարձրագույն ուսումնական հաստատություններ ավարտած կամ տարկետում ստացած տղաները։ Օրինակ՝ գյումրեցի Անդրանիկ Ներսիսյանը սովորում է մանկավարժական համալսարանում, մարտունեցի Կնյազյան Հակոբը՝ ԵՀՊ իրավագիտության ֆակուլտետում, արթիկցիներ Կարեն Ղազարյանը և Հովհաննես Խաչատրյանը հայկական պետական ճարտարագիտական համալսարանի շրջանավարտներ են։ Բժշկական համալսարանի երրորդ կուրսից է զորակոչվել Նարեկ Գալստյանը, Արա Սարգսյանն ու Սուրեն Խաչիկյանը ԵՊՀ ուսանողներ են, Վարդան Ներսիսյանը նույնպես ճարտարագիտական համալսարանի շրջանավարտ է։

Ես չգիտեի, որ Մյասնիկին հարազատները և մտերիմները Միրո են ասում։ Նրա հետ ծանոթացել էի Երևանի անասնաբուժական-անասնաբուծական ինստիտուտում սովորելու տարիներին։ Մեր ծանոթությունը ընկերության վերածվեց քիչ ավելի ուշ, երբ պարզեցինք, որ երկուսիս երակներում էլ մշեցու արյուն է հոսում։

Կռվի հրձիգներ, այրեր մեծամեծ
Մի՛ սանձազերծեք արյուն ու ավեր,
Ամենքդ էլ ունեք որդիք փոքր ու մեծ,
Մի՛ արյունոտեք մոլորակը մեր։

Հայրենիք։ Ես քո սերն եմ, հայրենի՛ք,
Ես քո զավակն ու տերն եմ, հայրենի՛ք,
Քո նաիրյան ոգու կերպարն եմ,
Քո հզոր երթի հաղթական պարն եմ։

Վերջին հարյուրամյակում մեր մոլորակի մարդիկ սկսել են քնել քիչ, վատ ու անհանգիստ։ 100 տարվա մեջ գիշերվա ընթացքում քնի ընդհանուր ժամանակը նվազել է միջինում 20%-ով։ Այդ պատճառով երկրագնդի յուրաքանչյուր երկրորդ բնակչի քնի խանգարման ախտանիշներ են նկատվում, իսկ 13%-ի համար այդ խանգարումները կրում են քրոնիկական բնույթ։

Աննա Ասլանը (1897-1988, Ասլանյան) ռումինահայ գիտնական-գերոնտոլոգ (ծերաբան) է, Ռումինիայի բժշկական գիտությունների ակադեմիայի ակադեմիկոս, Նյու Յորքի ԳԱԱ անդամ, Բուխարեստի ծերաբուժության ինստիտուտի ղեկավար։ Վաղաժամ ծերացումը կանխելու նպատակով առաջարկել է «Գերովիտալ H3» պատրաստուկը։ Ինքն օգտագործել է այդ պատրաստուկը, թե ոչ, մենք չգիտենք, բայց Աննա Ասլանն ապրել է 91 տարի։ Նրա անվան մրցանակ կա, շնորհվում է բժշկության բնագավառում աչքի ընկածներին։ Աննա Ասլանի անունը քանդակված է Հունաստանում՝ բժշկության հայր Հիպոկրատի մարմարե հուշարձանին։