Language:

  • Հայերեն
  • Русский
  • English

Նորություններ

Վերջերս Պակիստան կատարած այցի ժամանակ ԱՄՆ-ի պաշտպանության նախարար ադմիրալ Մյուլլենը «Dawn» թերթին տված հարցազրույցում քննադատել էր երկրի կառավարությանը` մեղադրելով վերջինիս հետախուզության ծառայություններին Հաքքանի խմբավորման հետ համագործակցելու համար: Ինչպես հայտնի է, Հաքքանի խմբավորումը թալիբներին աջակցող հիմնական ուժն է:

2008 թ. հունվարին Ֆրանսիայի պաշտպանության նախարարությունը 4 SOUVIM 2 (Système d’OUVerture d’Itinéraire Miné) ականազերծման համակարգերի գնման պայմանագիր էր կնքել «MBDA» ընկերության հետ: Պայմանգրի վերջնաժամկետը 2011 թ. է: Այս տարվա մայիսին Ֆրանսիայի զինված ուժերի զինանոցը կհամալրվի առաջին 2 «SOUVIM 2»-երով:

Վերջերս կայացած ավիացիոն կոնֆերանսի ժամանակ ԱՄՆ-ի զինված ուժերի ներկայացուցիչները կարևորեցին «Boeing AH-64 Apache» մարտական ուղղաթիռի համար նախատեսված տեղորոշիչ նոր համակարգը: Ըստ գնդապետ Շեյն Օփենշոուի` համակարգն իր մեջ ներառում է մի շարք տեսախցիկներ, որոնք հնարավորություն կտան հետևել վերգետնյա մարտերին և կանխորոշել վերգետնյա հարձակումները:

Հնդկաստանի Պաշտպանության հետազոտությունների և զարգացման կազմակերպությունը (ՊՀԶԿ) վերջապես սկսել է անօդաչու մարտական օդանավերի արտադրման աշխատանքները: Ծրագրի հիմնական նպատակն է Հնդկաստանի ռազմաօդային ուժերի համար մշակել մարտական անօդաչու օդանավեր, որոնք զինված կլինեն լազերային նշանառությամբ հրթիռներով:

grarkvel-e-pahakanav

Սանկտ Պետերբուրգի «Ալմազ» նավաշինական ընկերությունը ջրարկել է Վիետնամի ռազմածովային ուժերի համար կառուցվող երրորդ պահականավը: Առաջին երկուսն արդեն վիետնամական զինված ուժերի կազմում են, ընդհանուր առմամբ պայմանագրով պետք է մատակարարվի 4 նավ: Տվյալ դասի նավերն ունեն 375 տոննա ջրատարողություն, կարող են շարժվել մինչև 30 հանգույց արագությամբ, նավարկության հեռավորությունը 2,2 հազար մղոն է: Սպառազինված են 30 մմ-անոց ԱԿ-306 հրետանային կայանքով, 76,2 մմ-անոց ԱԿ-176Մ հրետանային կայանքով, ԻԳԼԱ-1Մ հրթիռների արձակման 16 կայաններով և 14,5 մմ-անոց երկու գնդացրով:

uxatirner-turqiajin

Թուրքիայի պաշտպանության նախարարությունը ամերիկյան Sikorski ընկերության արտադրած 109 հատ T-70 ուղղաթիռ գնելու որոշում է կայացրել: Գործարքը կարժենա 3,5 միլիարդ դոլար: Պայմանագիրը կնախատեսի նաև առաջիկա 10 տարիներին ևս 500 ուղղաթիռի մատակարարում: Ամերիկյան ուղղաթիռների արտադրությանը կմասնակցի նաև թուրքական TUCAS ընկերությունը, որը որոշ պահեստամասեր կարտադրի: T-70-ը հաղթել է մրցույթում, որին մասնակցում էր նաև իտալական Agusta Westland ընկերությունը: Վերջինս թուրք զինվորականներին ներկայացրել էր TUHP149 ուղղաթիռը:

ardiakanacnel

Ամերիկյան բանակը տարբեր ընկերությունների հարցում է արել 60 000 հատ HMMWV զրահամեքենաների արդիականացման հնարավորության վերաբերյալ: Յուրաքանչյուր մեքենայի վրա կատարվող աշխատանքները գնահատվում են 180 000 դոլար, ամբողջական փաթեթը` 10,8 միլիարդ դոլար: Արդիականացման շրջանակներում նախատեսվում է ուժեղացնել զրահապատումը: