Դեկտեմբերի 26-ին ՀՀ պաշտպանության նախարար Սեյրան Օհանյանը Վանաձորում մասնակցել է սպաների ու նրանց ընտանիքների համար նախատեսված ծառայողական բնակարանների հանձնման հանդիսավոր արարողությանը, որին ներկա են եղել նաեւ տեղական ինքնակառավարման մարմինների ներկայացուցիչներ, այլ բարձրաստիճան զինվորականներ:
Սեյրան Օհանյանը, շնորհավորելով սպաներին եւ նրանց ընտանիքների անդամներին բնակարանամուտի կապակցությամբ, նշել է, որ զինծառայողների բնակարանային պայմանների բարելավումն ու սոցիալ-կենցաղային հարցերը մշտապես հանրապետության եւ ԶՈՒ ղեկավարության ուշադրության կենտրոնում են եւ արվում է հնարավորը, որպեսզի զինծառայողները, իրենց թիկունքում զգալով պետական հոգածությունը եւ զերծ մնալով կենցաղային խնդիրներից, բարեխղճորեն կատարեն ծառայողական պարտականությունները:

Դեկտեմբերի 25-ին ՀՀ ԶՈՒ ԳՇ պետ, գեներալ-գնդապետ Յուրի Խաչատուրովը այցելեց հանրապետական կենտրոնական հավաքակայան, որտեղ անցկացրեց շարային ստուգատես` տեղում դիտարկելով հունվարի 8-ին մեկնարկող ձմեռային զորակոչի նախապատրաստական ընթացքը: ԶՈՒ ԳՇ պետը շրջայց կատարեց հանրապետական կենտրոնական հավաքակայանում և ծանոթացավ կատարված նախապատրաստական աշխատանքներին:
Գլխավոր շտաբի պետը զրուցեց զորակոչի նախապատրաստական աշխատանքների մեջ ընդգրկված ծառայությունների պատասխանատուների հետ, տվեց ցուցումներ և հանձնարարականներ զորակոչի բնականոն ընթացքը սահուն ու թափանցիկ անցկացնելու համար:

Բանակը միակ ասպարեզն է, որտեղ անձնակազմի աշխատանքը համարվում է ծառայություն, եւ այդ բառի մեջ մեծ խորհուրդ կա, այն շատ բնութագրական է։ Այսինքն՝ ի սկզբանե զինվորականի մեջ մարմնավորվում են ազգի ամենաբարձր առաքինությունները՝ սեփական ժողովրդին ու հայրենիքին անմնացորդ նվիրվելու ցանկությունը, անանձնական կյանքով ապրելու պատրաստակամությունը եւ ազգի բարոյական կատարելատիպը դառնալու մղումը։ Զինվորականի մասնագիտություն ընտրող յուրաքանչյուր հայորդի եւ բանակ զորակոչվող յուրաքանչյուր պատանի պետք է հարց տա իրեն՝ ֆիզիկապես եւ հոգեբանորեն պատրա՞ստ է ծառայելու հայրենիքին ու ժողովրդին։

Անդադար սովորել, ինքնակրթվել, կատարելագործել հմտությունները. ահա իմ պահանջը: Կուրսանտը պետք է հասկանա, որ ինքը կատարող չէ, ինքը զինվոր չէ, որ գնա զորքեր և սկսի սովորել: Նա ուսուցանող է, ուստի պետք է կարողանա իր իմացածը փոխանցել ենթակային, պետք է կարողանա ղեկավարել: Այն, ինչ նրան պետք կգա մարտի դաշտում, պարտավոր է գերազանց յուրացնել այստեղ: Աշխատում ենք, որ ծանրաբեռնվածությունն ինստիտուտում համարժեք լինի այն ծանրաբեռնվածությանը, ինչ զորքերում է: Ինստիտուտում այսօր ունենք մեր զինված ուժերում առկա բոլոր զինատեսակների, ռազմական տեխնիկայի նմուշները, գործնական պարապմունքներն անցկացնում ենք հենց այդ սպառազինությամբ: Մեր վարժադաշտերը, վարժասարքերը հնարավորություն են տալիս կուրսանտին տիրապետելու ժամանակակից մարտի բոլոր կանոններին:

ՀՀ պաշտպանության նախարարին առընթեր հասարակական խորհուրդը ծավալուն եւ բազմակողմանի աշխատանքով մշտապես նպաստում է բանակ-հասարակություն արդյունավետ փոխգործակցությանը: Տարեցտարի ավելի շոշափելի է դառնում հասարակական խորհրդի մասնակցությունը զորակոչի գործընթացին, որի խոսուն ցուցանիշներից մեկն էլ վերջին երեք տարիներին հասարակական խորհրդի հովանու ներքո գործող քաղաքացիների դիմում-բողոքների քննարկման հանձնաժողովին հասցեագրված դիմումների թվի հնգապատիկ ավելացումն է: Քննարկված 1340 դիմում բողոքների առնչությամբ զորակոչային մարմիններին ներկայացվել են 876 միջնորդագրեր, որոնց հիման վրա վերանայվել են զորակոչիկների զինծառայության պիտանիության մասին 211 որոշումներ: Բավարարվել է նաեւ զորակոչիկների ընտանեկան հանգամանքներից բխող եւ իրավական հարցերին առնչվող 34 դիմում-բողոք:

Դեկտեմբերին ավարտվում է 2013 թվականի աշնանը զորակոչված զինվորների ծառայության ժամկետը, և 2016 թվականը նրանք կդիմավորեն արդեն տանը՝ իրենց ընտանիքների հետ: Զորացրվողներից են նաև գնդապետ Ռ. Շահգելդյանի հրամանատարությամբ գործող զորամասի մի խումբ զինվորներ: Ամանորից առաջ նրանք ևս միացել են իրենց ծառայակիցներին հասցեագրված շնորհավորանքներին և մաղթանքներին:

Բարեւ իմ շատ սիրելի Ձմեռ պապ: Շատ ժամանակ է անցել քեզ հասցեագրված իմ վերջին նամակից, չեմ հիշում, թե քանի տարի: Ամեն տարի դու գալիս էիր, թակում մեր տան դուռը, ներս մտնում եւ բերում իմ ամենասիրելի խաղալիքները. ինչ որ ես էի խնդրել քեզնից՝ գնդակ, ինքնաթիռ, հրացան…