Տարածաշրջան
Համազարկային կրակի «Смерч (9К58)» ռեակտիվ համակարգ (ՀԿՌՀ) ձեռք բերելը հայկական զինված ուժերի և պետականության հզորացման հերթական քայլերից է: Դա հզոր հարձակողական միջոց է, աշխարհում շատ քիչ են 250-300 մմ-ոց նման ՀԿՌՀ-ները: Հաշվի առնելով հակառակորդի սպառազինման մակարդակը և սպառազինությունների զարգացման համաշխարհային միտումները` մեզ համար կարևոր են մեծ ՀԿՌՀ-ների` որպես հարձակման հզոր և ճկուն միջոցների կատարելագործման ոլորտի զարգացումները: Բանն այն է, որ նման համալիրները նախկինում չունեին մեծ դիպուկություն, և այդ պատճառով շատ երկրներ հրաժարվում են դրանց լայն կիրառությունից:
ՌԴ պաշտպանության նախարար Անատոլի Սերդյուկովը հայտարարել է, որ եվրոպական հակահրթիռային պաշտպանության համակարգի շուրջ Ռուսաստանի և ՆԱՏՕ-ի միջև տարաձայնությունները սկզբունքային բնույթ ունեն:
Ռուսաստանն առաջարկում է համատեղ համակարգ ստեղծել պաշտպանության կոնկրետ տեղամասերում երկրների տարածքային պատասխանատվության տարանջատման սկզբունքով: Իսկ ՆԱՏՕ-ն նպատակահարմար է համարում երկու առանձին համակարգերի ստեղծումն ու տեղեկատվության հետագա փոխանակումը` պատճառաբանելով, թե դաշինքը պատասխանատու է անդամ բոլոր երկրների տարածքների անվտանգության համար:
ԱՄՆ զինված ուժերի հեռանկարային հետազոտությունների գործակալությունը մինչև 2012թ. սկիզբը Աֆղանստանում կսկսի թեթև զրահամեքենաների ակտիվ պաշտպանության Iron Curtain (երկաթե վարագույր) նոր համակարգի փորձարկումը, որը նախատեսված է արկերից և հակատանկային հրթիռներից պաշտպանվելու համար: Դաշտային փորձարկումներին կմասնակցեն HMMWV չորս զրահափոխադրիչներ: Հակազդման միջոցները նախատեսվում է տեղադրել մեքենայի տանիքին:
Մալայզիական Deftech և թուրքական FNSS ընկերությունները պայմանագիր են ստորագրել Մալայզիայի ցամաքային զորքերի համար 257 միավոր AV-8 զրահափոխադրիչ մատակարարելու վերաբերյալ: Գործարքի ընդհանուր արժեքը 559 միլիոն դոլար է: AV-8-ը կստեղծվի թուրքական Pars զրահափոխադրիչի բազայի վրա: Վերջնական հավաքումը կկատարի Deftech-ը, որը ծրագրում է ստեղծել զրահամեքենայի 12 տարբերակ:
Բուլղարիան Ռումինիային, Խորվաթիային և Թուրքիային առաջարկել է միասին գնել կործանիչներ: Այդ դեպքում մեկ ինքնաթիռն ավելի էժան կլինի յուրաքանչյուրի համար: Նախաձեռնության մասին խոսել է Բուլղարիայի վարչապետ Բոյկո Բորիսովը: Նա հնարավոր է համարել նաև օդային տարածության պարեկության, օդաչուների ուսուցման, վարժանքների համատեղ իրականացումը, ինչի շնորհիվ կնվազեն ինքնաթիռների շահագործման ծախսերը` միաժամանակ չթուլացնելով պետությունների մարտունակությունը:
Այս մասին «Tert.am»-ին հայտնել է ՀՀ պաշտպանության նախարարությունում նրա աղբյուրը:
Պաշտպանության նախարարի խոսնակ Դավիթ Կարապետյանը հրաժարվել է մեկնաբանել ռուսական «Սմերչ» զինատեսակի նկատմամբ Հայաստանի պաշտպանության նախարարության ներկայացուցիչների հետաքրքրության մասին լուրը:
Ըստ «Մեդիամաքս» գործակալության՝ ռուսական Военно-промышленный Курьер հանդեսին տված հարցազրույցում «Ռոսօբորոնէքսպորտ» ընկերության հատուկ հանձնարարությունների գծով տնօրեն Նիկոլայ Դիմիդյուկն ասել է, որ Մինսկում կայացած Milex-2011 ցուցահանդեսում Հայաստանի ներկայացուցիչները հետարքրքություն են ցուցաբերել «Սմերչ» համակարգերի նկատմամբ:
Միջուկային զենք ունեցող` աշխարհի բոլոր երկրները միասին մարտական հերթապահության մեջ են պահում 5027 միջուկային մարտագլխիկ, իսկ պահեստում եղածները մոտ 15500 հատ են: Ամենախոշոր միջուկային տերություններն են Ռուսաստանը (2427 մարտագլխիկ), ԱՄՆ-ը (2150), Ֆրանսիան (290) և Մեծ Բրիտանիան (160): Բացի նրանցից, մարտական հերթպահության մեջ չընդգրկված միջուկային մարտագլխիկներ ունեն նաև Չինաստանը (200 հատ), Հնդկաստանը (80-110), Պակիստանը (90-110) և Իսրայելը (80):