Ավստրալիան միացել է սիրիական հակամարտությունը զինված միջամտությամբ լուծելու Ֆրանսիայի դիրքորոշմանը, որը հրապարակել էր նորընտիր նախագահ Ֆրանսուա Օլանդը, հայտարարելով, որ չի բացառում ռազմական գործողության անցկացումը, եթե, իհարկե, լինի ՄԱԿ անվտանգության խորհրդի համաձայնությունը:

Պաշտպանության նախարարության ղեկավար կազմի հետ հանդիպման ժամանակ ՌԴ նախագահ Վլադիմիր Պուտինը հայտնել է, որ հնչող բազմաթիվ ահազանգերի ստուգման նպատակով իր վերահսկողական ծառայությանը հանձնարարել է ստուգել զինծառայողների սոցիալական իրավունքների պահպանության վիճակը և արդեն իսկ հայտնաբերվել են բազմաթիվ աղաղակող խախտումներ: Խոսքը վերաբերվում է թե՜ դրամական բավարարման ուշացումներին, թե՜ բնակարանի հերթագրվելու համար անհրաժեշտ փաստաթղթերի ձեռք բերմանը:

Հյուսիսային Կորեայի գերագույն ժողովրդական հավաքը երկրի սահմանադրությունում մտցրել է մի ուղղում, համաձայն որի ԿԺԴՀ-ն պաշտոնապես հռչակվում է միջուկային տերություն: Երկրի հիմնական օրենքը, որը կոչվում էր Կիմ Իր Սենի անունով, այժմ անվանվում է «Կիմ Իր Սենի-Կիմ Չեն Իրի սահմանադրություն»:

ԱՄՆ Կոլորադոյի նահանգի Ֆորտ Կարսոն ռազմաբազայում սկսվել են պատմության մեջ հակահաբեկչական ռուս-ամերիկյան առաջին համատեղ զորախաղերը, որին մասնակցում են ՌԴ օդադեսանտային զորքերի մեկ ստորաբաժանում և ԱՄՆ բանակի հատուկ գործողությունների ստորաբաժանումները:

ՌԴ ռազմավարական նշանակության հրթիռային զորքերում հուլիսի 1-ից կբացվեն 300 նոր սկզբնական սպայական հաստիքներ, որոնք նախկինում զբաղեցնում էին պայմանագրային զինծառայողները: Իսկ մինչև տարեվերջ ժամկետային զինծառայողների ավելի քան 2.000 հաստիքներ կդառնան պայմանագրային:

ՌԴ պաշտպանության նախարարության ղեկավար կազմի հետ հանդիպման ժամանակ Ռուսաստանի նախագահ Վլադիմիր Պուտինը հայտարարել է, որ մինչև 2016 թվականը երկրի պաշտպանության պլանը պետք է հաստատվի այս տարվա դեկտեմբերին, իսկ զինված ուժերը պետք է հասնեն որակական նոր մակարդակի:

Շատերի պնդմամբ, ռուսական բանակում տարածված արատավոր ու հանցավոր այս երևույթի պատճառն այլևս ոչ թե զինվորի ծառայության ժամկետն է, այլ իրավազրկությունը: Երբ 2008 թվականի հունվարի 1-ից պարտադիր զինվորական ծառայության ժամկետը մեկուկեսից կրճատվելով դարձավ մեկ տարի, անգամ ռուսական բանակի գեներալները չէին թաքցնում, որ հիմնական նպատակներից մեկն էլ «դեդովշչինայի» վերացումն էր: Սակայն անցած չորս տարիներին բանակում բռնության դեպքերի նվազում չարձանագրվեց, և, համաձայն պաշտոնական տվյալների, ՌԴ զինված ուժերում ոչ կանոնադրային հարաբերություններից 2011 թվականին տուժել է ավելի քան մեկուկես հազար զինծառայող: