Language:

  • Հայերեն
  • Русский
  • English

Նորություններ

Հունաստանում ձերբակալվել է 18 տարեկան համակարգչահեն (հաքեր), որն ապօրինաբար մուտք է գործել տարբեր երկրների բազմաթիվ պաշտոնական կայքեր: 15 տարեկանում նա «կոտրել է» Ինտերպոլի, մեկ տարի անց` Պենտագոնի, Անվտանգության դաշնային բյուրոյի և ԱՄՆ Ազգային անվտանգության գործակալության կայքերը:

ՀԱՅԱՍՏԱՆՆ ԱՐԴԵՆ ՈՒՆԻ ՀԱՄԱԶԱՐԿԱՅԻՆ ԿՐԱԿԻ «ՍՄԵՐՉ» ՌԵԱԿՏԻՎ ՀԱՄԱԿԱՐԳԵՐ

Այս մասին «Tert.am»-ին հայտնել է ՀՀ պաշտպանության նախարարությունում նրա աղբյուրը:

Պաշտպանության նախարարի խոսնակ Դավիթ Կարապետյանը հրաժարվել է մեկնաբանել ռուսական «Սմերչ» զինատեսակի նկատմամբ Հայաստանի պաշտպանության նախարարության ներկայացուցիչների հետաքրքրության մասին լուրը:
Ըստ «Մեդիամաքս» գործակալության՝ ռուսական Военно-промышленный Курьер հանդեսին տված հարցազրույցում «Ռոսօբորոնէքսպորտ» ընկերության հատուկ հանձնարարությունների գծով տնօրեն Նիկոլայ Դիմիդյուկն ասել է, որ Մինսկում կայացած Milex-2011 ցուցահանդեսում Հայաստանի ներկայացուցիչները հետարքրքություն են ցուցաբերել «Սմերչ» համակարգերի նկատմամբ:

Միջուկային զենք ունեցող` աշխարհի բոլոր երկրները միասին մարտական հերթապահության մեջ են պահում 5027 միջուկային մարտագլխիկ, իսկ պահեստում եղածները մոտ 15500 հատ են: Ամենախոշոր միջուկային տերություններն են Ռուսաստանը (2427 մարտագլխիկ), ԱՄՆ-ը (2150), Ֆրանսիան (290) և Մեծ Բրիտանիան (160): Բացի նրանցից, մարտական հերթպահության մեջ չընդգրկված միջուկային մարտագլխիկներ ունեն նաև Չինաստանը (200 հատ), Հնդկաստանը (80-110), Պակիստանը (90-110) և Իսրայելը (80):

Ռուսաստանի ձեռնարկությունների ընդամենը 9.4%-ն է տեխնոլոգիական նորամուծություններ (ինովացիաներ) ներդնում երկրի տնտեսության մեջ, մինչդեռ լավագույն ցուցանիշը համարվում է 25-30%-ը: Այս հարցում Ռուսաստանը զիջում է եվրոպական երկրների մեծ մասին, Բրազիլիային և Չինաստանին: Բարձր տեխնոլոգիաների համաշխարհային շուկայում Ռուսաստանի մասնաբաժինը կազմում է ընդամենը 0.25%:

Մեծ Բրիտանիան Վրաստանի պաշտպանության նախարարություն կուղարկի անվտանգության և պաշտպանության հարցերով խորհդրականի: Օրերս այդ մասին հայտարարել է Մեծ Բրիտանիայի ռազմավարության և միջազգային անվտանգության հարցերով նախարար Ջերալդ Հովարդը` Վրաստանի պաշտպանության նախարար բաչո Ախալայայի հետ հանդիպելուց հետո:

ԱՄՆ պաշտպանության նախարարությունը Վրաստանին է հանձնել «Hummer» տեսակի մեծ անցողունակությամբ զրահապատ 40 մեքենա: Դրանք օգտագործվելու են վրացի զինվորականներին մինչև Աֆղանստան ուղարկելը խաղաղապահ գործողությունների նախապատրաստելու համար: Դրանից հետո ավտոմեքենաները կմնան Վրաստանում` որպես պետության սեփականություն:

ՊԱՇՏՊԱՆՎԱԾ ԵՐԵԽԱՆԵՐ` ՊԱՇՏՊԱՆՎԱԾ ՀԱՍԱՐԱԿՈՒԹՅՈՒՆ

Ամռան առաջին օրը երեխաներինն է: 1950 թվականի հունիսի 1-ից ամբողջ աշխարհը նշում է Երեխաների պաշտպանության միջազգային օրը: Պաշտպանելով երեխաներին այսօր` մենք պաշտպանում ենք մեր ապագան, մեր վաղվա պետությունը: Մեր մոլորակի փոքրիկ բնակիչներն իրենց անմեղ հոգով, անկեղծ ժպիտներով, անմիջականությամբ, իրենց աչքերի փայլով ջերմացնում են բոլորիս սրտերը: Թող մանկության մոլորակում թեւածի խաղաղությունը, սերն ու բարությունը լինեն հարատեւ: Արժանին տանք երեխաներին` արժանին ստանալու համար: