5-րդ զորամիավորման ենթակա N զորամասում շարունակվում է մարտական պատրաստության գործընթացը: Հրաձգարանում բացազատվել են ուսումնական տեղամասեր: Ստորաբաժանումների անձնակազմերի հետ անցկացվում են կրակային պատրաստության պարապմունքներ:

Մասնագիտական հմտություններն ու կարողություններն ամրապնդելու և կատարելագործելու նպատակով մարտի 6-ին 4-րդ զորամիավորման ենթակա N զորամասում անցկացվել են վաշտերի, մարտկոցների հրամանատարների և նրանց տեղակալների հավաքներ: Հավաքների ընթացքում անցկացվել են նաև կրակային և մարտավարական պատրաստության ցուցադրական պարապմունքներ:

Զինված ուժերում մարտական պատրաստության գործում ֆիզիկական պատ­­րաստության և սպորտի նշանակությունը կարեւորելու, զորամասերում ռազ­մակիրառական մարզաձևերը զարգացնելու եւ լավագույն մարզիկներին ի հայտ բերելու նպատակով 3-րդ զորամիավորման ենթակա զորամասերից մեկում փետրվարի 28-ից անցկացվում է «Խաղաղության մարտիկ» համաբանակային մրցույթի եզրափակիչ փուլը:

Մարտի 4-ից 5-ը ՀՀ ԶՈՒ ՀՕՊ զորամասերից մեկում զորամասի հրամանատարի գլխավորությամբ անցկացվել է մարտկոցի կազմով մարտավարամասնագիտական զորավարժություն:

Մեծ պահքի առթիվ 2-րդ զորամիավորման ավագ գնդերեցի և զորամասերի գնդերեցների առաջնորդությամբ N զորամասի տարածքում գտնվող հին մատուռում կատարվեց ժամերգության և խոկման արարողություն: Զինվորներին մանրամասն ծանուցվեց Մեծ պահքի խորհրդի կարևորության, ապաշխարության առանձնահատկության և մեղքերից մաքրման և սրբությամբ Քրիստոսով ապրելու անհրաժեշտության մասին:

Վաշինգտոնում անցկացվող Բարեվարքության ամրապնդման ամենամյա համաժողովին (Building Integrity Conference) մասնակցելու նպատակով մարտի 5-ից 7-ը ԱՄՆ են մեկնել ՀՀ պաշտպանության նախարարի տեղակալ Գաբրիել Բալայանը և ՀՀ ՊՆ մարդու իրավունքների և բարեվարքության կենտրոնի պետ, գնդապետ Ալեքսանդր Ավետիսյանը:

Վազգեն Սարգսյանը մարտի 5-ին կդառնար 60 տարեկան։ Արդեն 20 տարի նա իր երկրում ապրում է ոգեղեն ներկայությամբ՝ որպես հաղթանակի շունչ ու փայլ, որպես Սպարապետ հայոց նորագույն պատմության…