Մարտի 14-ին 4-րդ զորամիավորման ենթակա զորամասերից մեկում իրականացվել է մարտական հերթապահության հերթափոխ: Չնայած եղանակային բարդ պայմաններին և առատ ձյան տեղումներին՝ պայմանագրային զինծառայողները շարունակում են հստակ և աչալրջորեն իրականացնել մարտական ծառայությունը:

Մարտի 18-ին ՀՀ պաշտպանության նախարար Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավար Քլեր Մեյթրոյին և ԿԽՄԿ պաշտպանության գործառույթները համակարգող Զուրաբ Բուրդուլիին՝ Հայաստանում վերջինիս առաքելության ավարտի կապակցությամբ:

Մարտավարական տարբեր իրավիճակներում առաջադրված մարտական խնդիրների կատարման ունակությունները զարգացնելու նպատակով մարտի 14-ին 4-րդ զորամիավորման ենթակա զորամասերից մեկում անցկացվել են հրետանու մարտավարամասնագիտական և կրակային պատրաստության ուսումնական պարապմունքներ:

Էլեկտրոնային կապի և գործավարության խմբի պետերի կատարողական կարգապահության, մասնագիտական գիտելիքների իմացության և ծառայողական փաստաթղթերի հետ աշխատելու ունակությունները զարգացնելու նպատակով մարտի 18-ին ՀՀ զինվորական կոմիսարիատում անցկացվեց Երևան քաղաքի և մարզերի կոմիսարիատների էլեկտրոնային կապի և գործավարության խմբի պետերի մասնագիտական պարապմունքներ:

Հայաստանում անցկացվող ՆԱՏՕ-ի շաբաթվա շրջանակներում մարտի 14-ին ՀՀ պաշտպանության նախարարությունը ՆԱՏՕ-ի բարեվարքության ամրապնդման ծրագրի թիմի հետ համատեղ ՊՆ վարչական համալիրում անցկացրել է Բարեվարքության ամրապնդման ծրագրի բարձրաստիճան առաջնորդների օրվա խորհրդաժողով՝ նվիրված բարեվարքության և լավ կառավարման բարեփոխումների հարցերին:

Մարտի 16-ին, ժամը 01։30 սահմաններում, ՀՀ հյուսիսարևելյան սահմանագոտում, N զորամասի պահպանության տեղամասում, հայ դիրքապահները հայտնաբերել, նախազգուշացել և նախաձգուշացմանը չենթարկվելուց հետո վնասազերծել են ՀՀ պետական սահմանը խախտած անհայտ անձի։

Մարտի 14-ին 3-րդ զորա­միա­վորումում ՀՀ ԶՈՒ ԳՇ վարչական ապարատի իրավա­բանական բաժնի պետի ղեկավարությամբ անցկաց­վել է 2-րդ, 3-րդ զորամիավորումների, Շիրակի կայազորի և ենթակա զորա­մա­սե­րի սպա-իրավաբանների հավաք-խորհրդակցություն: