1915 թվականից հետո ամեն հայ կյանքում գոնե մեկ անգամ փորձում է հասկանալ, թե ի՞նչ կատարվեց եւ ինչո՞ւ: Իսկ քանի որ դա հնարավոր չէ միանգամից, պատասխան գտնելը հաճախ կյանքի գործ է դառնում: Եւ նույնիսկ ոչ թե մի կյանքի, այլ` սերունդների:
Թվում է, թե ցեղասպանության պատճառների մասին արդեն շատ բան է հայտնի: Ստվարածավալ գրականության մեջ քննության են առնվում երեւույթի հիմնականում քաղաքական ու տնտեսական պատճառները: Մինչդեռ գլխավոր խնդիրը ցեղասպանություն իրագործողների հոգեբանությունը հասկանալն է, քանզի քաղաքական ու տնտեսական շահի համար կարելի է սպանել, բայց սպանությունը ՀԱՃՈՒՅՔԻ վերածելը արդեն բացատրություն է պահանջում:

Ապրիլի 20-ին Անկարայում թուրք պաշտոնյաները հայտարարել են, որ ակնկալում են վավերացնել Ինդոնեզիայի և Թուրքիայի միջև կնքված պայմանագիրը: Ըստ որի` Թուրքիան մասնակցելու է հարավարևելյան Ասիայի երկրների պաշտպանական արդյունաբերության զարգացման գործընթացին: Ինդոնեզիայի պաշտպանության հանձնաժողովի ներկայացուցիչների պալատի նախագահ Մահֆուձը հայտարարել է, որ 2010 թ. հունիսին երկրների միջև կնքված «Փոխըմբռնման հուշագրի» իրականացումը զգալի ազդեցություն կունենա Ինդոնեզիայի պաշտպանության արդյունաբերության զարգացման վրա:

Սուդանը մեղադրել է Իսրայելին ապրիլի 5-ին «Port Sudan» նավահանգստի մոտակայքում տեղի ունեցած ահաբեկչության մեջ, որի հետեւանքով զոհվել է 2 մարդ: Հարձակումը տեղի է ունեցել նավահանգստից մոտ 15 կմ դեպի հարավ: Ահաբեկչության ականատեսները լսել են երեք պայթյուն և նկատել երկու ուղղաթիռ:

Մարտի 15-ին Իսրայելի պաշտպանության նախարարությունը հայտարարել է, որ հայտնաբերել է Սիրիայի Լատակիա քաղաքից դեպի Ալեքսանդրիա հրթիռներ տեղափոխող բեռնատար նավը և առգրավել նավի վրա եղած հրթիռները: Ենթադրվում է, որ զենքը պետք է ցամաքով տեղափոխվեր Գազայի հատված:

Վերջերս Պակիստան կատարած այցի ժամանակ ԱՄՆ-ի պաշտպանության նախարար ադմիրալ Մյուլլենը «Dawn» թերթին տված հարցազրույցում քննադատել էր երկրի կառավարությանը` մեղադրելով վերջինիս հետախուզության ծառայություններին Հաքքանի խմբավորման հետ համագործակցելու համար: Ինչպես հայտնի է, Հաքքանի խմբավորումը թալիբներին աջակցող հիմնական ուժն է:

2008 թ. հունվարին Ֆրանսիայի պաշտպանության նախարարությունը 4 SOUVIM 2 (Système d’OUVerture d’Itinéraire Miné) ականազերծման համակարգերի գնման պայմանագիր էր կնքել «MBDA» ընկերության հետ: Պայմանգրի վերջնաժամկետը 2011 թ. է: Այս տարվա մայիսին Ֆրանսիայի զինված ուժերի զինանոցը կհամալրվի առաջին 2 «SOUVIM 2»-երով:

Վերջերս կայացած ավիացիոն կոնֆերանսի ժամանակ ԱՄՆ-ի զինված ուժերի ներկայացուցիչները կարևորեցին «Boeing AH-64 Apache» մարտական ուղղաթիռի համար նախատեսված տեղորոշիչ նոր համակարգը: Ըստ գնդապետ Շեյն Օփենշոուի` համակարգն իր մեջ ներառում է մի շարք տեսախցիկներ, որոնք հնարավորություն կտան հետևել վերգետնյա մարտերին և կանխորոշել վերգետնյա հարձակումները: