Language:

  • Հայերեն
  • Русский
  • English

Ազգային բանակ

ՓԱՌՔԻ ՈՒ ՊԱՏՎԻ ԱՐԺԱՆԻ

Տարեվերջի ամփոփիչ ստուգումները ցույց են տվել, որ գնդապետ Ա. Մուրադյանի հրամանատարությամբ գործող զորամասը պատրաստ է կատարելու իր առջեւ դրված մարտական առաջադրանքը։ Զորամասում ավարտվել են համալրման եկած անձնակազմի ընդունումն ու հանդերձավորումը, փաստաթղթային տնտեսության, նյութատեխնիկական բազայի, զինծառայողների ունեցվածքի համալրումն ու թարմացումը, ինչպես նաեւ կուլտուր-մասսայական ժամանցի սենյակների կահավորումը։

ԶՈՐԱՄԱՍՈՒՄ ՎԵՐԼՈՒԾՈՒՄ ԵՆ ԱՐԴՅՈՒՆՔՆԵՐԸ

2010թ. ուսումնական տարին փոխգնդապետ Հ. Ավագյանի հրամանատարությամբ գործող մոտոհրաձգային զորամասում համարվում է հաջողված։ Որպես ձեռքբերում առաջին հերթին նշվում են ծառայողական կարգապահության բարձրացումը եւ պարապմունքների ընթացքում անվտանգության կանոնների պահպանումը։ Անդրադառնալով մարտական պատրաստության ծրագրի իրականացմանը՝ հրամանատարի տեղակալ փոխգնդապետ Գ. Առաքելյանը նշեց, որ 2010թ. ապրիլին զորամասը քննություն հանձնեց գլխավոր ռազմական տեսչությանը եւ արժանացավ «լավ» գնահատականի։

ԶՈՐԱՄԱՍՈՒՄ ՎԵՐԼՈՒԾՈՒՄ ԵՆ ԱՐԴՅՈՒՆՔՆԵՐԸ

Հունվարի 11-ին ազգային բանակում սկսվեց նոր ուսումնական տարին, իսկ մինչ այդ հունվարի 8-ին պաշտպանության նախարարության եւ ԶՈՒ ԳՇ-ի վարչությունների, ծառայությունների եւ բաժնի ղեկավար կազմերի, մասնագետ սպաների, զորամասերի հրամանատարների հետ անցկացված խորհրդակցության ընթացքում պաշտպանության նախարար Սեյրան Օհանյանը, անդրադառնալով նոր ուսումնական տարվա խնդիրներին, նշեց, որ ազգային բանակի շինարարությունը շարունակվելու է «Զինված ուժերի պատրաստությանը եւ պաշտպանական բարեփոխումներին՝ որակական առաջընթաց» կարգախոսով, իսկ 2011թ. հայտարարվում է մարտական վարպետության բարձրացման տարի։

ՆԱԽԱԳԱՀ ՍԵՐԺ ՍԱՐԳՍՅԱՆԸ ԱՅՑԵԼԵՑ ԵՐԿՐԻ ՊԱՇՏՊԱՆԱԿԱՆ ԴԻՐՔԵՐ

Ամանորի եւ Սուրբ Ծննդյան տոների կապակցությամբ ՀՀ նախագահ, Հայաստանի զինված ուժերի գերագույն գլխավոր հրամանատար Սերժ Սարգսյանը դեկտեմբերի 31-ին ավանդական այցով եղել է մեր երկրի պաշտպանական դիրքերում։
Նախագահ Սերժ Սարգսյանը նախ այցելել է սահմանամերձ Խաչիկ գյուղ, այնուհետեւ պաշտպանական դիրքեր։ Սերժ Սարգսյանը հանձնել է նվերներ ծառայության ընթացքում իրենց պարտաճանաչությամբ, խիզախությամբ եւ անձնվիրությամբ աչքի ընկած զինվորներին։

ՊԵՏԱԿԱՆ ՍԱՀՄԱՆԸ ՀՈՒՍԱԼԻ ՁԵՌՔԵՐՈՒՄ Է

Ավանդաբար տարեվերջին բոլոր կառույցներում ամփոփվում են կատարված աշխատանքները, ի մի են բերվում ձեռքբերումներն ու թերացումները, վերլուծվում դրանց պատճառներն ու նախանշվում զարգացման հետագա ուղիները: Դեկտեմբերի 24-ին մամուլի ասուլիս էր կազմակերպվել ՀՀ-ում ՌԴ ԱԴԾ սահմանապահ վարչությունում, որի ընթացքում վարչության պետ գեներալ-լեյտենանտ Վիկտոր Վլասովը ներկայացրեց 2010թ. սահմանապահների գործունեության արդյունքները, պատասխանեց ոլորտին առնչվող տարաբնույթ հարցերի:

ԱՄԱՆՈՐԸ ԶՈՐԱՄԱՍՈՒՄ

Ամանորի նախօրեին եղանք գնդապետ Ս. Գրիգորյանի հրամանատարությամբ գործող եռակի մարտական դրոշակակիր զորամասում, պարզվեց, որ հրամանատարը նախատոնական ժողով է անցկացնում անձնակազմի հետ։ Քննարկվում էին տոնական օրերին զորամասի գործունեության ծրագիրը, միջոցառումների անվտանգությունն ապահովելու հարցերը։ Ընդհանուր առմամբ, զորամասը հաջողությամբ է ավարտել ուսումնական տարին, եւ այժմ հարկավոր է հավուր պատշաճի դիմավորել Ամանորը, հանգստանալ, ուժերը վերականգնել եւ նախապատրաստվել նոր ուսումնական տարվան։

ՇԱՐՔԱՅԻՆ ԱՎԱՆԵՍՅԱՆԸ` ԼՐԱԳՐՈՂԱԿԱՆ ՄՐՑՈՒՅԹԻ ՀԱՂԹՈՂ

Դեկտեմբերի 15-ին ԵՊՀ ժուռնալիստիկայի ֆակուլտետի «Եղիշե Չարենց» սրահում կայացավ նույն ֆակուլտետի 1992թ. շրջանավարտ, ժուռնալիստիկայի ամբիոնի ասպիրանտ, «Ազատամարտ» թերթի հատուկ թղթակից, ԼՂՀ Մարտակերտի շրջանի Առաջաձոր գյուղի ազատագրման մարտում 1993թ., հունվարին զոհված Նորայր Մարությանի անվան` «Ժուռնալիստները ազատամարտիկների հիշատակին» մրցանակաբաշխության արարողությունը: