Language:

  • Հայերեն
  • Русский
  • English

Ազգային բանակ

ՊԱՏԵՐԱԶՄՈՒՄ ՀԱՂԹՈՒՄ Է ՆԱ, ՈՎ ՈՒՆԱԿ Է ԱՐԱԳ ԼՈՒԾԵԼՈՒ ԻՆԺԵՆԵՐԱԿԱՆ ԽՆԴԻՐՆԵՐԸ

2000 թվականից սեպտեմբերի 7-ը ՀՀ ԶՈՒ-ում նշվում է որպես Ինժեներական զորքերի օր: 1992 թ. մայիսին Ինժեներական զորքերի վարչությունը կենտրոնական ապարատում կազմավորվեց որպես ծառայության բաժին, իսկ նույն թվականի սեպտեմբերի 14-ին վերակազմավորվեց որպես վարչություն: Սակայն ԶՈՒ-ում ինժեներական զորքերի օր սահմանվեց սեպտեմբերի 7-ը, քանի որ այդ օրը Լաչինի միջանցքում ինժեներական ստորաբաժանումների կողմից ինժեներական զինամթերքի ճիշտ գործարկման եւ փայլուն աշխատանքի արդյունքում պատրաստվել էին համապատասխան պայթյունային հանգույցներ եւ ականապատման դաշտեր, ինչի շնորհիվ կանխվեց հակառակորդի առաջխաղացումը եւ նրան հասցվեց կենդանի ուժի եւ տեխնիկայի մեծ կորուստ:

ՋՈԿՈՒՄ ԱՊԱԳԱ ՀՐԱՄԱՆԱՏԱՐՆԵՐՆ ԵՆ

Ժամանակակից համազորային մարտի վարման ընթացքում ավելի ու ավելի մեծ տեղ է հատկացվում փոքր ստորաբաժանումների գործողություններին: Աշխարհի շատ բանակներում ամրապնդվում է այն մոտեցումը, որ դասակը, ջոկը (կամ համարժեք օղակները) կարող են կատարել ինքնուրույն խնդիրներ, նպաստել ընդհանուր հաղթանակին, իհարկե, համապատասխան պատրաստության դեպքում: Արդիական սպառազինությամբ համալրված դասակը (ջոկը) ընդունակ է ոչնչացնելու հակառակորդի կենդանի ուժը, տանկերը, զրահապատ տեխնիկան, հակատանկային և այլ կրակային միջոցները, պայքարելու ցածր թռչող ինքնաթիռների, ուղղաթիռների և այլ օդային թիրախների դեմ, ինչպես նաև պաշտպանելու իր զբաղեցրած բնագիծը հակառակորդի գերակշռող ուժերից, հարձակում գործելու, հետախուզություն վարելու և այլն:

ՊԱՏՐԱՍՏՎՈՒՄ ԵՆ ՄԱՐՏԱԿԱՆ ՀԵՐԹԱՓՈԽԻ

Օգոստոս ամսվա ընթացքում ծրագրով նախատեսված են եղել հրամանատարական հավաքներ, հրամանատարական պատրաստության պարապմունքներ դասակի հրամանատարների հետ, ստուգողական մարզումներ անձնակազմի հետ: Ներդաշնակման պարապմունքներ ենք անցկացրել ջոկերի հետ, ինչպես նաև ջոկի մարտական ստուգողական պարապմունքներ: Ընթացքի մեջ են վաշտի լավագույն հրամանատարի, կապի դասակի լավագույն հրամանատարի մրցումները։ Վաշտի լավագույն հրամանատարի մրցումների արդյունքում գումարտակում աչքի է ընկել ավագ լեյտենանտ Բեյբությանը։ Իհարկե, մրցույթի մյուս փուլերը դեռևս առջևում են, ակտիվորեն պատրաստվում ենք դրանց:

Քիչ չեն դեպքերը, երբ զինվորները ունեցել են առողջական խնդիրներ և չեն զեկուցել վերադասին այդ մասին, որն էլ բերել է ծանր հետևանքների, երբեմն էլ` մահվան: Այսպիսի դեպքերը կանխարգելելու համար ՊՆ-ում բազմաթիվ քայլեր են ձեռնարկվում:
Օրերս մեր զինվորներին բաժանվել են նոր գրքույկներ` հրատարակված ՀՀ զինված ուժերի ռազմաբժշկական վարչության կողմից: Գրքույկը կրում է «Առողջության, առաջին օգնության և առավել հաճախ հանդիպող հիվանդությունների վերաբերյալ մատչելի խորհուրդներ զինվորին» անվանումը և նպատակ ունի զինվորին սովորեցնել ինչպես գործել առողջական այս կամ այն խնդիրների ի հայտ գալու դեպքում: Այս 56 էջանոց գրքույկում մատչելի ներկայացված է, թե ինչպես պետք է զինվորները պահպանեն անձնական հիգիենայի կանոնները:

ԶՈՐԱՎԱՐԺՈՒԹՅԱՆՆ ԸՆԴԱՌԱՋ

ՀՀ ՊՆ համազորային զորավարժարանում սպասում են ՀԱՊԿ արագ արձագանքման հավաքական ուժերի (ԱԱՀՈՒ) այն ստորաբաժանումներին, որոնք պետք է մասնակցեն «Փոխգործակցություն-2012» զորավարժությանը: Հայկական հյուրընկալության լավագույն ավանդույթները պահպանվում են նաև ռազմական համագործակցության ասպարեզում. մասնակիցների համար դաշտային պայմաններում ապահովվում է առավելագույն հարմարավետություն՝ ինչպես մարտական պատրաստությամբ զբաղվելու, այնպես էլ առօրյա կենսագործունեությունն ապահովելու նպատակով:

ՃԱՄԲԱՐԱՅԻՆ ԱՎԱՆՈՒՄ

ՀԱՊԿ ԱԱՀՈՒ հայկական զորախմբի տանկային գումարտակի վաշտի հերթապահ կրտսեր սերժանտ Մամիկոն Բաղդասարյանն ու օրապահ շարքային Մաքսիմ Ղարաջյանը ստորաբաժանման օրինակելի զինծառայողներից են:

ՕՐԱԳՐԱՅԻՆ ԳՐԱՌՈՒՄՆԵՐ

Տպագրում ենք «Տիգրան Մեծ» աշխարհազորային ջոկատի հրամանատար, ազատամարտի վետերանների միության փոխնախագահ, «Տիգրան Մեծ» ռազմակրթական վարժարանի պետ, պահեստազորի գնդապետ Կորյուն Ղումաշյանի օրագրային գրառումներից փոքրիկ պատառիկներ, որոնք, հեղինակի բնորոշմամբ, իր կյանքի ամենից կարեւոր հատվածի վավերագրությունն են։