Մարտի 5-ին Վազգեն Սարգսյանը կդառնար 53 տարեկան: Նրա կյանքին ու գործունեությանը ծանոթանալու, նրա հիշատակը հարգելու համար այդ օրը բազմաթիվ քաղաքացիներ էին այցելում հայրական գյուղում` Արարատում գտնվող նրա թանգարան:
Սպարապետի ընկերներից, զինակիցներից, պետական ու բարձրաստիճան պաշտոնյաներից բացի, այս անգամ Արարատ այցելեցին նաեւ թիվ 184 ավագ դպրոցի աշակերտները: Այցելությունը նախաձեռնել էին Կարոտի կանչ կազմակերպության նախագահ Անահիտ Սարգսյանը, Շահումյանի զինվորական կոմիսար գնդապետ Ռ.Մարգարյանը` վարչական շրջանի ղեկավարության աջակցությամբ:

Մարտի 2-ին ՀՀ պաշտպանության նախարար Սեյրան Օհանյանը զինված ուժերի 20-ամյակին նվիրված միջոցառումների շրջանակներում հանդիպեց Երևանի պետական տնտեսագիտական համալսարանի ուսանողների և պրոֆեսորադասախոսական կազմի հետ: Նախարարը հավաքվածներին ներկայացրեց ՀՀ զինված ուժերի ստեղծման նախադրյալները, առանձնահատկությունները, կայացման յուրահատկությունները:

Ես ծնվել եմ զինվորականի ընտանիքում։ Հայրս բարձրաստիճան սպա էր, մայրս` տնային տնտեսուհի։ Հայրս շատ էր աշխատում, եւ մեր 6 երեխաների դաստիարակությամբ հիմնականում մայրս` Արմենուհին էր զբաղվում։ Նա արվեստասեր, նրբաճաշակ կին էր, լավ երգում էր։ Մենք մեծ գրադարան ունեինք եւ երեխաներով շատ էինք սիրում կարդալ։ Գրքի հանդեպ սերը փոխանցվել էր նաեւ մեզ։ Հիշում եմ` բարձրանում էի մեր բակի բարձր ծառին, հարմար տեղավորվում եւ խորասուզվում ընթերցանության մեջ։ Պատահական չէ, որ եղբայրս` Վարդան Գրիգորյանը, դարձավ պատմաբան, նա պատմագիտության դոկտոր է, Մատենադարանի փոխտնօրենը, քույրս` Ֆլորան, նկարչուհի է։

Եկեք-հասկանա՛նք, մեզ պատժողը թուրքը չէր, այլ մեր տկարությունը թուրքի միջոցով։ Մեզ մի նոր սերունդ է պետք, որը աշխարհը և իրերը տեսնի, սիրի իր ճակատագրին հրամայել գիտցողի կամքի աչքերով. ահա՛ Երևանի Գագիկ Ստեփանյանի անվ. N135 դպրոցի մանկավարժական խորհրդի (տնօրեն Գարեգին Ներսիսյան) հավատամքը։

Հայ ազգը վառ անհատականությունների պակաս երբեք չի ունեցել, բայց միշտ էլ զգացել է պետականամետ այնպիսի գործիչների կարիք, որոնք, համատեղելով ռազմական, քաղաքական ու ստեղծագործական գործունեությունը, նաև բացել են ազգի առջև ծառացած հրատապ խնդիրներին հասնելու ճանապարհը։ Ազատագրական պայքարի վերելքի ամեն մի շրջան ծնում է իր հերոսներին, իսկ հերոսների շարքից առանձնանում է Առաջնորդը… Ավաղ, մեր ժողովուրդը հաճախ ժամանակին չի ճանաչել իր Առաջնորդին, և հենց դա էլ եղել է նրա դժբախտությունը։ Մեր պատմությունը վկա։

Զինված ուժերի կազմավորման 20-ամյակի առթիվ Մանկավարժական համալսարանի ուսանողական խորհրդի նախաձեռնությամբ փետրվարի 26-ին կազմակերպվեց ուսանողների այցելություն Տավուշի մարզի սահմանային զորամաս: Մասնակիցները մեծ ոգեւորությամբ եւ անտրտունջ հաղթահարեցին ճանապարհը: Զորամասում ուսանողներին սպասում էին հարյուրավոր զինվորներն ու զորամասի հրամանատարական կազմը:

Փետրվարի 10-ին Այգեզարդ համայնքի Արարատ Ղարիբյանի անվան դպրոցը և Արտաշատի ԵԿՄ-ն նշեցին Արցախյան պատերազմի ազատամարտիկ Կոստան-Ավետիս Հարությունյանի մահվան 20-րդ տարելիցը: Հիշատակի օրվա առիթով Այգեզարդում էին Արարատի մարզպետ Էդիկ Բարսեղյանը, ԵԿՄ անդամներ: