Նորություններ
ՌԴ պաշտպանության նախարարության կադրերի գլխավոր վարչության պետ գեներալ-լեյտենանտ Վիկտոր Գորեմիկինը հայտարարել է, որ ողջ Ռւսաստանում կստեղծվի նման ցանց, և հավաքագրման կետեր կգործեն ՌԴ գրեթե բոլոր սուբյեկտների մայրաքաղաքներում, որոնք միաժամանակ կծառայեն որպես զինվորական օկրուգների կադրերի վարչությունների տարածքային ստորաբաժանում:
Գործարանը, որ ռուսաստանյան սովորական սպառազինության խոշորագույն արտադրողներից մեկն է, պաշտպանության նախարարության դեմ ավելի քան 7,5 միլիոն ՌԴ ռուբլու հայց է ներկայացրել Ուդմուրտիայի արբիտրաժային դատարան:
Համաձայն գործարանի ներկայացրած փաստաթղթերի, որպես պատասխանող կողմ, պաշտպանության նախարարությունից բացի, հանդես է գալու նաև Կենտրոնական զինվորական օկրուգի միավորված ռազմավարական հրամանատարությունը: Դատական հայցում գործարանի ներկայացրած պահանջները դեռևս չեն հրապարակվել:
ՌԴ պաշտպանության նախարար Անատոլի Սերդյուկովը Վորոնեժի նահանգապետ Ալեքսեյ Գորդեևի ուղեկցությամբ այցելել է Վորոնեժում գտնվող ռուս-իտալական համատեղ ձեռնարկություն, որտեղ կազմակերպվել է իտալական «Iveco» զրահապատ մարտավարական մեքենաների արտադրությունը: Դրանք առաջին հերթին տրամադրվելու են Հարավային զինվորական օկրուգին:
«Рысь»-երի առնչությամբ ՌԴ պաշտպանության նախարարը բազմիցս նշել է, որ խոսքը վերաբերվում է ոչ թե այս մեքենաների գնմանը, այլ Ռուսաստանում նրանց արտադրության կազմակերպմանը:
ՌԴ գլխավոր զինվորական դատախազությունը պաշտպանության նախարար Անատոլի Սերդյուկովից պահանջել է ձեռնարկել անհետաձգելի միջոցներ` վերջ տալու զինծառայողների աշխատավարձերի վճարումների ուշացումներին:
Քննելով վճարումների ուշացման և աշխատավարձերի ճշգրիտ չափը զինծառայողներին չհայտնելու վերաբերյալ բազմաթիվ բողոքները, գլխավոր զինվորական դատախազությունը եկել է այն եզրակացության, որ ստեղծված վիճակը պայմանավորված է զինծառայողների դրամական բավարարման նոր ֆինանսական համակարգի ձևավորման ընթացքում թույլ տրված սխալներով:
Ավելի վաղ ՌԴ վարչապետ Վլադիմիր Պուտինն էր պաշտպանության նախարարից պահանջել անձամբ զբաղվել այս խնդրով:
Հաագայի միջազգային քրեական դատարանը կոնգոլեզյան ապստամբների առաջնորդ Թոմաս Լուբանգին մեղավոր է ճանաչել երեխաներին մարտական գործողությունների մեջ ներգրավվելու համար: Լուբանգը չի ընդունում այդ մեղադրանքը: Սա իր գոյության տասը տարիների ընթացքում դատարանի կայացրած առաջին վճիռն է:
Մինչ 2015 թվականը ՌԴ պաշտպանության նախարարությունը ծրագրում է ոչնչացնել մինչ 1980-ական թվականներն արտադրված 4 միլիոն միավոր հրաձգային զենք` ատրճանակներ, ավտոմատներ ու գնդացիրներ, որոնց շուրջ 70 տոկոսը Կալաշնիկովի ավտոմատներն են: Փորոձագետները համոզված են, որ, ի տարբերություն նախահեղափոխական ժամանակաշրջանի զենքերի, սրանք որևէ պահանջարկ չունեն, իսկ ռուսական բանակին ընդհանրապես հարկավոր չեն: