ԹԵՀՐԱՆԸ ՄԱՀՎԱՆ Է ԴԱՏԱՊԱՐՏԵԼ ԱՄԵՐԻԿՅԱՆ ԼՐՏԵՍԻՆ

Թեհրանի հեղափոխական դատարանը նման դատավճիռ է կայացրել 2011 թվականի դեկտեմբերին Իրանում ձերբակալված ԱՄՆ քաղաքացի Ամիր Միրզա Հեքմաթի նկատմամբ, ավելի վաղ կտրուկ մերժելով Հեքմաթին Միացյալ Նահանգներ վերադարձնելու վերաբերյալ Վաշինգտոնի պահանջը:

Միաժամանակ Իրանի հետախուզության նախարար Հեյդար Մոսլեհին երեկ հայտարարել է ԱՄՆ օգտին լրտեսության մեղադրանքով ևս մի քանի անձանց ձերբակալման մասին: Նրանց ներկայացվել է նաև Իրանում մարտի 2-ին կայանալիք խորհրդարանական ընտրությունները տապալելու փորձի մեղադրանք: