ԱՐԴՅՈՒՆՔՆԵՐԻ ԱՄՓՈՓՈՒՄ

Նոյեմբերի  5-ին N զորամիավորումում ամփոփվել են 2021 թ. ուսումնական տարվա 3-րդ եռամսյակի արդյունքներն ու նախանշվել հետագա անելիքները։

Զորամիավորման հրամանատարի տեղակալներն ու ստորաբաժանումների հրամանատարները զեկուցել են մարտական պատրաստության, մարտական հերթապահության կազմակերպման, զինվորական կարգապահության, թիկունքի ու տեխնիկական ծառայությունների վիճակի և այլ հարցերի վերաբերյալ։ Առանձնահատուկ ուշադրություն է դարձվել առկա խնդիրներին ու բացթողումներին, քննարկվել են դրանց լուծման հնարավոր ուղիները:

Զորամիավորման հրամանատարն ամփոփել է խորհրդակցության արդյունքները, տվել հանձնարարականներ և սահմանել դրանց կատարման ժամկետները։  Լավագույն զինծառայողներն արժանացել են խրախուսական պարգևների։