ՖՐԱՆՍԻԱՆ ԵՎ ՄԵԾ ԲՐԻՏԱՆԻԱՆ ԼԻԲԻԱՅՈՒՄ ՑԱՄԱՔԱՅԻՆ ԶՈՐԱՄԱՍԵՐ ԵՆ ՏԵՂԱԿԱՅՈՒՄ

Հյուսիսատլանտյան դաշինքի հրամանատարության ներկայացուցիչներն իրենց անունը չհրապարակելու պայմանով հաստատել են այս մասին լրագրողների ունեցած տեղեկությունները, միաժամանակ հավելելով, որ այդ զորամասերը գործելու են ինքնուրույն և ճիշտ չէ նրանց «ՆԱՏՕ-ի ուժեր» անվանելը:

Դրանով իսկ նրանք հաստատել են Դաշինքում Ռուսաստանի ներկայացուցիչ Դմիտրի Ռոգոզինի կողմից ավելի վաղ արված այն պնդումը, թե Մեծ Բրիտանիան ու Ֆրանսիան, խախտելով ՄԱԿ անվտանգության խորհրդի թիվ 1973 բանաձևը, Լիբիայում տեղակայում են հատուկ նշանակության ստորաբաժանումներ: