ՀՆԴԿԱՑԻՆԵՐԸ ՌԱԶՄԱԲԱԶԱՅԻՑ ԴՈՒՐՍ ԵՆ ՔՇԵԼ ԶԻՆՎՈՐՆԵՐԻՆ

Կոլումբիայի հարավ-արևմուտքում գտնվող Կաուկա գավառում Նասա ցեղի հնդկացիները կառավարական զորքերի 100 զինծառայողի ստիպել են լքել իրենց ռազմակայանը: Դժգոհ լինելով բանակի և ապստամբական FARC խմբավորման միջև տևական ընդհարումներից՝ նրանք զինծառայողներին մինչև կեսգիշեր գավառից հեռանալու վերջնագիր են ներկայացրել: Զինվորական հրամանատարությունը հայտարարել է, որ հնդկացիների հետ հետագա բախումներից խուսափելու նպատակով որոշում է ընդունել ստորաբաժանումների ժամանակավոր վերատեղաբաշխման մասին: