ԵՐԲ ԱԶԳԸ ԲԱՆԱԿ Է ԴԱՌՆՈՒՄ, ԱՆՀՆԱՐ Է ՆՐԱՆ ԾՆԿԻ ԲԵՐԵԼ
Հայաստանի ամբողջ տարածքում զինվորագրվել ցանկացող մարդկանց մեծ հոսք է: Մինչ պաշտոնապես զորահավաք կհայտարարվեր, շատերն արդեն զինկոմիսարիատների մոտ էին հավաքվել՝ առաջնագիծ մեկնելու պատրաստակամությամբ: Ծերերը տարիքներն էին թաքցնում, առողջական խնդիրները, պատանիները` տարիքն ավելացնում, աղջիկները, կանայք էլ վկայակոչում՝ առյուծն առյուծ է, էգ լինի, թե որձ, միայն թե միանան սահմանին կանգնած տղերքին:
Ոտքի են կանգնել ծեր ու մանուկ: Քաղաքական բոլոր կուսակցությունները մոռացել են իրենց տարաձայնությունները՝ հանուն հայրենիքի եւ խաղաղության:
Երբ ազգը բանակ է դառնում, անհնար է նրան ծնկի բերել:
ԱԼԻՍ ԱԼԱՎԵՐԴՅԱՆ
Լուս.՝ ԱՐԵԳ ՎԱՐԴԱՆՅԱՆԻ
Խորագիր՝ Ազգային բանակ, Նորություններ, Ուշադրության կենտրոնում
