ՎԱՅՈՑ ՁՈՐԻ ՆՈՐԱԿՈՉԻԿՆԵՐԸ ՄԵԿՆԵԼ ԵՆ ԶԻՆԾԱՌԱՅՈՒԹՅԱՆ

Շարունակվում է ձմեռային զորակոչը: Արդեն իսկ պարտադիր ժամկետային զինվորական ծառայության են մեկնել առաջին նորակոչիկները:

Վայոց ձորի մարզի զորակոչիկներին, ավանդույթի համաձայն, զինվորական ծառայության են ճանապարհել հանդիսավոր արարողությամբ: Եղեգնաձոր քաղաքում՝ Սուրբ Աստվածածին եկեղեցում անցկացված օրհնության արարողակարգին մասնակցել են մարզպետ Արարատ Գրիգորյանը, մարզի զինվորական կոմիսար Արմեն Հովսեփյանը, 4-րդ զորամիավորման սպաները: