ԼԻՏՎԱՆ ՄԵԿ ՕՐՈՒՄ ԿՈՐՑՐԵՑ ԻՐ ՌԱԶՄԱԿԱՆ ԱՎԻԱՑԻԱՅԻ 50%-Ը
Լիտվայի զինված ուժերի հրամանատարությունը հրապարակավ խոստովանել է, որ այն բանից հետո, երբ երկրի ունեցած ընդամենը երկու ինքնաթիռներից մեկը, բախվելով ՆԱՏՕ-ի ուժերի կազմում պարեկություն իրականացնող «Միրաժ» ռմբակոծիչին, ջախջախվել է, անհասկանալի է, թե ռազմական ավիացիայում տրամադրության տակ մնացած միակ ինքնաթիռն ինչպես է կատարելու առաջադրված խնդիրները:
Երկրի ռազմաօդային ուժերի հրամանատարությունը հեռուստատեսությամբ հայտարարել է, որ հարկ չկա ստեղծված իրավիճակը ճգնաժամային համարել, սակայն օգոստոսի 30-ին տեղի ունեցած օդային աղետը «լրացուցիչ գլխացավանք է առաջացրել»:
Խորագիր՝ Նորություններ
