Հայերեն | На русском | In English
Սլովակիայի Անվտանգության խորհուրդը որոշել է կազմալուծել երկրի զինված ուժերի տանկային ստորաբաժանումները:
Որոշման պատճառը երկրի ռազմական գերատեսչության տարեցտարի նվազող բյուջեն է, որի միջոցներով զինվորականները չեն կարողանում լուծել բոլոր անհրաժեշտ խնդիրները:
Չեխոսլովակիայի բաժանումից հետո Սլովակիան ստացել է շուրջ 1000 տանկ: Այժմ շարքում են միայն 30-ը, սակայն նույնիսկ դրանց շահագործման ծախսերը նախարարության «գրպանին» համապատասխան չեն:
Քննարկվում են ծախսերի կրճատման այլ տարբերակներ ևս: Մասնավորապես նախատեսվում է կրճատել զինված ուժերի գեներալների և գնդապետների թիվը: Միջոցներ խնայելու նպատակով նույնիսկ ուսումնասիրվում է Չեխիայի և Սլովակիայի բանակների միավորման հնարավորությունը: Այդ հարցը կքննարկվի հոկտեմբերին` երկու երկրների կառավարությունների համատեղ նիստի ժամանակ:
