Նորընծա սպաների ճանապարհը դեպի զորքեր, դեպի առաջնագիծ, դեպի հերոսական արյամբ գծված Հայրենիքի սահմանը սկսվեց մեր հաղթանակի խրհրդանիշ Սարդարապատից: Ու երկնառաք ցնծության զանգերը միասնության պատգամ են ու հաղթանակի ավետիս: Զանգերը ոգեկոչում են անցյալի փառքն ու գալիք սխրանքների տեսիլքը: Եվ սա նրանց՝ հայոց բանակի սպաների կենսագրությունն է, ովքեր ամրոցի պես ամուր ու բերդի պես անառիկ ձուլվել են կոթողի սյուներին: Ուս ուսի: Սիրտ սրտի: Որ վաղը Ուժի ու Խիզախության նոր ասքեր ծնվեն Հայոց հողում, ու հպարտությամբ օծեն մեր դժվարին, բայց անվախճան երթի յուրաքանչյուր դրվագը: