ՌՈՒՍԱՍՏԱՆԻ ԱՐՏԱԴՐԱԾ ՊՈԼԻԷԹԻԼԵՆԵ ԶՐԱՀԱԲԱՃԿՈՆԸ ԴԻՄԱՆՈՒՄ Է 5 ՄԵՏՐԻՑ ԱՐՁԱԿՎԱԾ ԿԱԼԱՇՆԻԿՈՎԻ ԻՆՔՆԱՁԻԳԻ ԳՆԴԱԿԻՆ
Մոսկվայի գիտահետազոտական ինստիտուտներից մեկում սկսել են արտադրել պոլիէթիլենից զրահաբաճկոններ: Դրանք, ինչպես մետաղյա զրահաբաճկոնները, դիմանում են 5 մետր հեռավորությունից արձակված` Կալաշնիկովի ինքնաձիգի և Տոկարևի ատրճանակից գնդակներին:
Մասնագետների կարծիքով, մոտ ապագայում պոլիէթիլենե զրահաբաճկոնները լիովին կփոխարինեն մետաղականներին: ԱՄՆ բանակում արդեն իսկ կեվլարե սաղավարտները փոխարինվում են պոլիէթիլենե սաղավարտներով:
Պոլիէթիլենի և կերամիկական հատուկ թիթեղների համադրումը ավելացնում է զրահաբաճկոնի ամրությունը այնքան, որ այն կարող է դիմանալ նույնիսկ զրահաթափանց գնդակներին: Նոր նյութի միակ թերությունն այն է, որ իր պաշտպանական հատկությունները կորցնում է Ցելսիուսի սանդղակով 140 աստիճանից բարձր ջերմաստիճաններում:
Այսօր Ռուսաստանը զրահաբաճկոնի նյութը ներկրում է արտասահմանից, սակայն, ինստիտուտի աշխատակիցների խոսքով, այս տարվա ընթացքում կսկսի նաև սեփական արտադրությունը:
Խորագիր՝ Նորություններ, Տարածաշրջան
