ՓՈՐՁԱԳԵՏՆԵՐԸ ՊԱՏԵՐԱԶՄ ՉԵՆ ԿԱՆԽԱՏԵՍՈՒՄ
Ռուսաստանի ադրբեջանցիների դաշնային ազգային-մշակութային ինքնավարության նախագահ Սոյուն Սադիկովի կարծիքով, ադրբեջանա-ղարաբաղյան հակամարտության գոտում «առաջիկա 5 տարիների ընթացքում պատերազմ չի լինի»: Ըստ նրա` պատճառն այն է, որ Ռուսաստանը, ԱՄՆ-ը և Եվրոպան մեծ ներդրումներ են արել տարածաշրջանում և դրանք չկորցնելու համար զսպում են հակամարտող կողմերին:
Քաղաքագետ Ալեքսանդր Իսկանդարյանի կարծիքով, Ադրբեջանը նույնպես շահագրգռված չէ պատերազմի վերսկսումով: Նրա հետ համակարծիք է Մարդկային զարգացման միջազգային կենտրոնի գործադիր տնօրեն Թևան Պողոսյանը: Հաշվի առնելով, որ պատերազմից կտուժեն տարածաշրջանի տնտեսական բոլոր նախագծերը, նա կարծում է, որ «առաջիկա տարիներին պատերազմ չի լինի»:
Քաղաքագետ Սերգեյ Շաքարյանցը ռազմական գործողությունների վերսկսման հավանականությունը համարում է «ծայրահեղ փոքր» (newsarmenia.ru):
