Language:

  • Հայերեն
  • Русский
  • English

ՊԱՏՎՈ ԴՐՈՇԸ՝ ՈՒՍՈՒՄՆԱԿԱՆ ԼԱՎԱԳՈՒՅՆ ԶՈՐԱՄԱՍԻ ՀՐԱՄԱՆԱՏԱՐԻՆ



ՊԱՏՎՈ ԴՐՈՇԸ՝ ՈՒՍՈՒՄՆԱԿԱՆ ԼԱՎԱԳՈՒՅՆ ԶՈՐԱՄԱՍԻ ՀՐԱՄԱՆԱՏԱՐԻՆՓետրվարի 2-ին ՀՀ պաշտպանության նախարար Սուրեն Պապիկյանն այցելել է ՊՆ N ուսումնական զորամաս։ Շրջելով զորամասի տարածքում նախարար Պապիկյանը հետևել է ուսումնական գործընթացի կազմակերպմանը, օրվա կարգացուցակով սահմանված դասընթացների և պարապմունքների անցկացմանը։

Շրջայցի ընթացքում պաշտպանական գերատեսչության ղեկավարը հանդիպել է նաև ձմեռային զորակոչի շրջանակում ԶՈՒ շարքերը համալրած նորակոչիկների հետ։

Հետաքրքրվելով նրանց ծառայությամբ ու տրամադրությամբ՝ Սուրեն Պապիկյանը վստահեցրել է, որ զինվորների ծառայությունն առավել հարմարավետ և արդյունավետ դարձնելու համար արվում է առավելագույնը։ Նախարարը նաև ներկայացրել է որոշ մանրամասներ՝ իրականացվող բարեփոխումների վերաբերյալ։

2022 թվականի ուսումնական տարվա արդյունքներով, մարտական պատրաստության բարձր ցուցանիշների, զինվորական օրինակելի կարգապահության համար զորամասը ճանաչվել է ուսումնական լավագույն զորամաս։ Պաշտպանության նախարար Սուրեն Պապիկյանը զորամասի հրամանատարին է հանձնել պատվո դրոշը։

Խորագիր՝ #05 (1470) 08.02.2023 - 14.02.2023, Ազգային բանակ, Նորություններ, Ուշադրության կենտրոնում


03/02/2023