ՇԱՐՔԱՅԻՆ ՄԱՐԴԱՆՅԱՆԸ ԱՆՎԱՐԱՆ ԷՐ

Սեպտեմբերի 13-ին գումարտակի ծանր վիրավորում ստացած հրամանատարին առաջնագծից տեղափոխել են ականանետային մարտկոցի կրակային դիրք, որտեղ էլ վիրավոր հրամանատարին  շարքային Արթուր Մարդանյանն իրեն կցված ավտոմեքենայով տեղափոխել է թիկունք:

Տեղանքին ծանոթ չլինելու հանգամանքն էլ չի խանգարել, որ շարքային Մարդանյանը առանց վարանելու նստի մեքենայի ղեկին: Ճանապարհին թշնամին  կրակ է բացել ավտոմեքենայի վրա, որի ժամանակ վնասվել է հետևի անվադողը, սակայն նա անվարան շարժվել է առաջ: Ճանապարհին Արթուրը նկատել է գումարտակի երեք վիրավոր զինվորի: Կանգնել և օգնել է, որպեսզի նրանք  բարձրանան մեքենայի թափք: Շարքային Մարդանյանը գումարտակի վիրավոր հրամանատարին ու երեք զինվորներին հասցրել է թիկունք, իսկ ինքը վերադարձել ու բարձրացել է մարտկոցի կրակային դիրք, միացել ընկերներին…

ԱՍՏԻՆԵ ՀՈՎԱԿԻՄՅԱՆ