Հաղթական զինվո՛ր հայոց,

Խիզախ, արի ու քաջ,

Դու չես տեսել ու չես տեսնի

Պարտություն, նահանջ:

 

Հայրենիքի սահմանների

Անվախ ուժեղ պաշտպան.-

Խաղաղությամբ ապրի՛ր հավետ,

Ո՜վ, մա՛յր Հայաստան:

 

Չար ոսոխից դու պաշտպանի՛ր

Սուրբ հողը մեր նախնյաց,

Թող քեզ մարտում ուղեւորի

Հավատքն առ Աստված:

 

Հայրենիքի սահմանների

Անվախ, ուժեղ պաշտպան.-

Խաղաղությամբ ապրի՛ր հավետ,

Ո՜վ, մա՛յր Հայաստան:

ԱՐՄԵՆ ԳՐԻԳՈՐՅԱՆ