Language:

  • Հայերեն
  • Русский
  • English

ՀԱՅԱՍՏԱՆՆ ԻՄ ՏՈ՛ՒՆՆ Է



ՀԱՅԱՍՏԱՆՆ ԻՄ ՏՈ՛ՒՆՆ ԷՀայաստանն իմ տո՛ւնն է,

Խենթացնո՜ղ սիրուն է

Լուսավառ գարո՜ւնը

Նրա ապրեցնո՛ղ:

Իմ մեծ Ընտանի՛քն է,

Ներկա՛ն ու գալի՛քն է,

Իղձ-անելի՛քն է՝

Աստծուն գոհացնող:

Հայաստանն աղո՜թքս է,

Ամրաքա՛յլ ոտքս է,

Ոգեշունչ զա՛րկն է՝

Սիրտս լիացնող:

Խնդության գո՛ւյնն է,

Մի՛ս ու արյո՛ւնն է

Նպատակներիս՝

Հոգիս եռացնո՛ղ:

Հայաստանը քա՛րն է,

Արևածուփ բա՜րն է,

Հոգեթով տա՜ղն է

Վանքերը լցնող:

Սիրածոր բա՛ռն է,

Պատմաշունչ տա՛ռն է,

Գորգանախշ զա՛ռն է

Աչքս հիացնո՛ղ:

Հայաստանն իմ լո՛ւյսն է,

Ազգ-հավաք հո՛ւյսն է,

Փա՛ռքն ու պատի՛վն է՝

Ազգս վեհացնո՛ղ:

Հայաստանն իմ տո՛ւնն է,

Հայ ազգի սյո՛ւնն է,

Սե՜ր է անունը

Նրա ապրեցնո՛ղ:

 

ԱՌԼԵՆ ՇԱՀՎԵՐԴՅԱՆ

փոխգնդապետ

Խորագիր՝ #14 (1436) 15.06.2022 - 21.06.2022, Հոգևոր-մշակութային


17/06/2022