Հայերեն | На русском | In English
Օգոստոսի 12-ին Արմավիրի մարզի Մեծամոր քաղաքում հանդիսավորությամբ բացվել է ապրիլյան քառօրյա պատերազմի հերոս Սաշա Գալստյանի հիշատակին նվիրված հուշարձանը: Միջոցառմանը ներկա էին ՀՀ վարչապետի տիկին Աննա Հակոբյանը, պաշտպանության փոխնախարար Գաբրիել Բալայանը, Արմավիրի մարզպետ Համբարձում Մաթևոսյանը, զոհված զինծառայողների հարազատներ և ծնողներ:
Հուշարձանը կառուցվել է Սաշա Գալստյանի ծնողների ու մի խումբ բարերարների ջանքերով: Հուշարձանի հեղինակ, քանդակագործ Արթուր Բաղդասարյանի խոսքով՝ նախագծման հիմքում դրված է հավերժության խորհուրդն ու հայրենասիրության գաղափարը:
