Հայերեն | На русском | In English
Բուժսարքավորումների գնման ընթացքում Ներքին զորքերի գլխավոր հրամանատարության «սխալների» պատճառով պետությանը հասցվել է 20 միլիոն ՌԴ ռուբլու վնաս:
ՌԴ գլխավոր զինվորական դատախազությունը պարզել է, որ ՆԶ գլխավոր հրամանատարության ռազմաբժշկական վարչության բաժանմունքի պետն առանց սարքավորումների գների պատշաճ դիտարկում ու վերլուծություն կատարելու, գլխավոր հրամանատարությանն է ներկայացրել բարձրտեխնոլոգիական բուժսարքավորումների գնման վերաբերյալ ֆինանսատեխնիկական առումով չհիմնավորված եզրակացություններ, ձեռք բերվելիք ապրանքների վերաբերյալ առաջարկել մատակարար ընկերություններին վճարել իրականից բարձր գումարներ:
«Սխալը» չի նկատել նաև ռազմաբժշկական վարչության պետ, բուժծառայության գեներալ-մայոր Յուրի Սաբանինը: Գործը հանձնվել է քննչական մարմիններին, իսկ ՌԴ ներքին զորքերի հրամանատարից պահանջվել է մեղավորներին ենթարկել պատասխանատվության: