Հայրենական մեծ պատերազմի, այդ տարիներին` թիկունքի, աշխատանքի և զինծառայության վետերանները իրենց զայրույթն ու վրդովմունքն են հայտնում Ադրբեջանի կողմից Լեռնային Ղարաբաղի Հանրապետության հյուսիսային և հյուսիս-արևելյան սահմանի երկայնքով լայնամասշտաբ հարձակումներ սանձազերծելու կապակցությամբ, որոնք ուղեկցվում են զենքի բոլոր տեսակների օգտագործմամբ: Ադրբեջանը զինադադարի կոպիտ խախտումներ կատարելով` փորձում է ռազմական ճանապարհով լուծել Արցախի հարցը:

Մեր միավորումը, լինելով ԱՊՀ երկրների վետերանների միջազգային կազմակերպության անդամ, կոչ է անում ԱՊՀ վետերանական բոլոր կազմակերպություններին` իրենց արդարացի բողոքի ձայնը բարձրացնելու և ստիպելու Ադրբեջանի ղեկավարությանը դադարեցնել այս անիմաստ արյունահեղությունը և հարցը լուծել Մինսկի խմբի առաջադրած խաղաղ բանակցությունների ճանապարհով:

ՀՀ ՎԵՏԵՐԱՆՆԵՐԻ ՄԻԱՎՈՐՄԱՆ

ՆԱԽԱԳԱՀՈՒԹՅՈՒՆ