Հայերեն | На русском | In English
Հերթական զորակոչով հայկական բանակը համալրվեց հազարավոր նորակոչիկներով: Տարաբնույթ զգացողություններով ու հուզախառն մտորումներով իրենց հարազատներին, ծնողներին հրաժեշտ տված երիտասարդները զորակոչվեցին բանակի մասին ունեցած մոտավոր պատկերացումներով, բայց այն հաստատուն համոզմամբ, որ հայրենիքին ծառայելն իրենց սուրբ պարտականությունն է:
Հրազդանցի բազմաթիվ նորակոչիկներից մեկն էլ Տիգրան Գրիգորյանն է: Նա գնում է փոխարինելու իրեն սպասող, զորացրվող մի զինվորի: Ու հիմա, երբ Հայաստանի սահմաններում իրավիճակը լարված է, հայրենիքի պաշտպանությունը գերնպատակ է ցանկացած զինվորի համար: Իսկ զինվորի մարտունակությունը բարձրացնում են նրա առողջ մտածողությունը, հայրենիքի արժեւորման գիտակցումն ու նվիրումը:
Աստված ձեզ պահապան, սիրելի՛ հայորդիներ, թող երկնքի կապտաթույր խաղաղությունը ճեղքվի միայն ձեր խրոխտ քայլերգից, եւ թող թշնամու ամեն գնդակ, օդում դիպչելով մայրական աղոթքին, փոշիանա:
Հավերժ փա՜ռք հերոս հայ մարտիկներին…
Նարինե ՄԱԹԵՎՈՍՅԱՆ
Ք. Հրազդան
