Մեծ Բրիտանիայի պաշտպանության նախարարությունը տենդագին փորձում է մինչև ընթացիկ ֆինանսական տարվա ավարտը (մարտի 31-ը) խնայել 1 մլրդ բրիտանական ֆունտ (1.62 մլրդ դոլար): Քննարկվում է, մասնավորապես, ԶՈՒ թվաքանակը 20000-ով կրճատելու տարբերակը: Ամենահավանականը, սակայն, անգլիական շուրջ 100 «Տոռնադո» գրոհային ինքնաթիռների շահագործումից հանելն է երեք տարվա ընթացքում: Մասնավորապես, Աֆղանստանից դուրս կբերվի այդպիսի 8 ինքնաթիռ: Դրա փոխարեն պաշտպանության նախարարությունը փորձելու է արագացնել օդուժի համալրումը «Eurofighter Typhoon»-ներով: