Հայերեն | На русском | In English
Արաբական պետությունների լիգայի գլխավոր քարտուղարի տեղակալը հայտարարել է, որ Լիգան որևէ առաջարկ չի ստացել արաբական զորքեր Սիրիա ուղարկելու մասին, սակայն պատրաստ է քննարկել իրավիճակի լիցքաթափման վերաբերյալ ցանկացած պետության յուրաքանչյուր առաջարկ:
Ավելի վաղ Քաթարի էմիրը պահանջել էր զինված միջամտության միջոցով վերջ տալ Սիրիայում չդադարող բախումներին, ինչին դեմ էին արտահայտվել Թունիսն ու Եգիպտոսը, պնդելով, որ դրա համար անհրաժեշտ է Դամասկոսի համաձայնությունը:
Նա նաև հայտնել է, որ Սիրիայում դիտորդական առաքելության հետագա ճակատագիրը կորոշվի հունվարի 21-22-ին Կահիրեում Լիգայի անդամ պետությունների արտգործնախարարների հանդիպման ընթացքում:
Միաժամանակ հաղորդվում է, որ ՄԱԿ-ի մարդու իրավունքների հարցերով կոմիսարիատի մասնագետները Եգիպտոսի մայրաքաղաքում հաջորդ շաբաթվանից կսկսեն ուսուցանել Լիգայի դիտորդներին, որոնց սիրիական ընդիմությունը մեղադրում է կողմնակալության և ոչ արհեստավարժության համար:
