Տարածաշրջան
«Մեծ յոթնյակի» երկրները Ճապոնիայում կայանալիք գագաթնաժողովում մտադիր են խստացնել Ռուսաստանի դեմ պատժամիջոցները էներգետիկայի եւ արտահանման ոլորտներում։
Սիրիայի նախագահ Բաշար Ասադը Արաբական պետությունների լիգայի գագաթնաժողովին մասնակցելու հրավեր է ստացել։ Արաբական պետությունների արտաքին գործերի նախարարները համաձայնել են վերականգնել Սիրիայի անդամակցությունը կազմակերպությանը, որը դադարեցվել էր 2011 թվականին Սիրիայի կառավարական բանակի և ապստամբների միջև ռազմական գործողություններից հետո:
Գերմանիայի կանցլեր Օլաֆ Շոլցն ասել է, որ Ուկրաինան չպետք է կիրառի Գերմանիայի մատակարարած զենքը ռուսական տարածքներին հարվածելու համար։ Շոլցի խոսքով՝ Ուկրաինային օգնությունն անհրաժեշտ է, սակայն այն չպետք է հանգեցնի հակամարտությանը ՆԱՏՕ-ի մասնակցությանը։
Ռուսաստանը դարձել է ՄԱԿ-ի Անվտանգության խորհրդի նախագահող երկիր: Խորհրդի անդամներից յուրաքանչյուրը մեկ ամիս նախագահում է ռոտացիայի սկզբունքով: Թեեւ Ուկրաինայի իշխանությունները փորձել են համոզել չեղարկել որոշումը, սակայն ապարդյուն, մասնավորապես, ամերիկյան կողմը հայտարարել է, որ չի կարող խոչընդոտել Ռուսաստանին՝ խորհրդի մշտական անդամին, զբաղեցնել նախագահի պաշտոնը ըստ ՄԱԿ-ի կանոնադրության։
Վլադիմիր Պուտինը հայտարարել է, որ Ռուսաստանի Դաշնությունը բելառուսական կողմի խնդրանքով կտեղակայի իր մարտավարական միջուկային զենքը Բելառուսում, ինչպես Միացյալ Նահանգները վաղուց անում է իր դաշնակիցների տարածքում։ ՌԴ նախագահի խոսքով՝ դա կարվի առանց միջուկային զենքի չտարածման ռեժիմը խախտելու, իսկ Մինսկը չի ստանա վերահսկողություն միջուկային լիցքերի նկատմամբ: Նա նաև հայտնել է, որ Մոսկվան արդեն Մինսկին է հանձնել միջուկային զենք կրելու կարողությամբ «Իսկանդեր» համալիրներ, տեղակայվել են նաև 10 ինքնաթիռներ, որոնք նույնպես ունակ են մարտավարական միջուկային զենք կրելու։
ՌԴ նախագահ Վլադիմիր Պուտին. «Արեւմուտքը մեկ նպատակ ունի՝ վերացնել Ռուսաստանը»։
ԱՄՆ փոխնախագահ Քամալա Հարիսը անհանգստացած է Ռուսաստանի հետ Չինաստանի հարաբերությունների խորացմամբ:
Չինաստանի ԱԳՆ-ն էլ ԱՄՆ-ին կոչ է արել դադարեցնել Ռուսաստանին ռազմական օգնության մասին ապատեղեկատվություն տարածելը։ «Մարտի դաշտում զենքեր անդադար մատակարարում է ոչ թե Չինաստանը, այլ Միացյալ Նահանգները:
