Language:

  • Հայերեն
  • Русский
  • English

#25 (941) 28.06.2012 – 4.07.2012

ԻՐԱՆՆ ՈՒՍՈՒՄՆԱՍԻՐՈՒՄ Է ԵՎ ՊԱՏՐԱՍՏՎՈՒՄ

Վենեսուելան Իրանին է փոխանցել առնվազն մեկ F-16 կործանիչ: Ինքնաթիռը տեղ է հասցվել մասնատված վիճակում, իսկ այժմ այն ամբողջովին հավաքված է և գտնվում է իրանական ավիաբազաներից մեկում: Իրանցի մասնագետները մտադիր են ամբողջությամբ քանդել կործանիչը, ապա նորից հավաքել նախագծման, ռադիոտեղորոշման սարքավորումների կիրառման մանրամասներն ուսումնասիրելու համար:

«ՍՈՒԽՈՅ» ԸՆԿԵՐՈՒԹՅԱՆ ԵԿԱՄՈՒՏՆԵՐՆ ԱՃՈՒՄ ԵՆ

2011թ. «Սուխոյ» ընկերության եկամուտը առավելագույնն է եղել բաժնետիրական ընկերության կազմավորման սկզբից ի վեր և կազմել է 47,8 միլիարդ ռուբլի: Ընկերության մաքուր շահույթը աճել է ավելի քան հինգ անգամ` 989 միլիոնից հասնելով 5,24 միլիարդ ռուբլու: Տարեկան հաշվետվությունը ներկայացնելիս «Սուխոյ»-ի տնօրենների խորհրդի նախագահ Միխայիլ Պողոսյանը և գլխավոր տնօրեն Իգոր Ազարը նշել են, որ եկամուտը ապահովվել է ինչպես ռազմական ինքնաթիռների, այնպես էլ քաղաքացիական նշանակության տեխնիկայի, մասնավորապես, Sukhoi Superjet 100-ի նախագծերի շուրջ տարվող աշխատանքների շնորհիվ:

ԱՐՏԱՀԱՆՄԱՆ ՌԵԿՈՐԴԱՅԻՆ ԱՃ

2012 ֆինանսական տարում ԱՄՆ ռազմական արտահանման ծավալը կարող է ռեկորդային աճ գրանցել` հասնելով 60 միլիարդ դոլարի: Այդ մասին հայտնել է ԱՄՆ պաշտպանության նախարարության ռազմական համագործակցության գործակալության տնօրենի տեղակալ Ռիչարդ Ջենեյլը: Ռեկորդային աճը պայմանավորված կլինի առաջին հերթին Սաուդյան Արաբիայի ռազմաօդային ուժերի համար F-15 կործանիչների մատակարարման ու ևս 70 ինքնաթիռների արդիականացման գործարքով` 29,4 միլիարդ դոլար ընդհանուր արժողությամբ:

«ԲՈՒԼԱՎԱՆ» ԸՆԴԳՐԿՎՈՒՄ Է ՍՊԱՌԱԶԻՆՈՒԹՅԱՆ ՄԵՋ

Ռուսաստանի ռազմածովային ուժերի հրամանատար փոխծովակալ Վիկտոր Չիրկովը հայտարարել է, որ ծովային տեղակայման Ռ-30 «Բուլավա» միջմայրցամաքային բալիստիկ հրթիռները փաստացի ընդունվել են սպառազինության, այժմ համապատասխան փաստաթղթերն են կազմվում: Նա նաև հավելել է, որ բոլոր տեխնիկական և փաստաթղթային ձևակերպումներից հետո «Բուլավա» հրթիռների հետ միասին ռազմական նավատորմի շարքերը կհամալրի «Յուրի Դոլգորուկի» նորագույն ռազմավարական ատոմային սուզանավը: Այն մարտական հերթապահության կկանգնի մինչև հուլիսի 29-ը` ՌԴ ռազմածովային նավատորմի օրը:

Հրադադարը նոր էր հաստատվել, սակայն սահմանամերձ հատվածներում դեռ լինում էին կրակոցներ։ Հայկը ծառայում էր սահմանային զորամասերից մեկում և կարճատև ծառայության ընթացքում իր համարձակությամբ, իր բանիմացությամբ շահել էր հրամանատարության հարգանքը և ստացել սերժանտի կոչում։ Ծառայության ավարտին հաշված օրեր էին մնացել, երբ ծնողները լսեցին գույժը՝ Հայկը զոհվել է թշնամու դավադիր գնդակից։

Արարատ գյուղի կողքի բարձունքին Մ.Արարատցու նախաձեռնությամբ կառուցվող Զորավար Անդրանիկի մատուռում նշվում էր Զորավարի ծննդյան տարեդարձը։ Բազմաթիվ հյուրեր էին հավաքվել, ազատամարտիկներ, գյուղացիներ։ Այնտեղ էր նաև շրջանի Ավշար գյուղի «Անդրանիկ» ջոկատի հրամանատար Գագիկ Սարգսյանը։ Ներքևում, գյուղի վերջնամասում Գագիկի նորակառույց տունն էր՝ տանիքին ծածանվող Եռագույնով։ Գագիկն սպասում էր իր չորրորդ զավակի ծնվելուն ու խնջույքի պահին մեկ-մեկ հիշեցնում էր ջոկատի տղաներին.

ԳԻՇԵՐԸ ԼՈՒՅՍ ՏԵՍԱ...

Մելսիկ Աբրահամյանը ծնվել էր 1948-ին, Արցախի Հերհեր գյուղում։ Հետո ընտանիքով տեղափոխվել են Երեւան։ Երբ սկսվեց Արցախյան շարժումը, հավաքվում էին հայաստանաբնակ հերհերցիները, եւ ով ինչով կարող էր, փորձում էր սատարել հայրենակիցներին։ Մելսիկն այդ օրերին հայրենի գյուղում էր, եղբայրների՝ Վասակի ու Մեժլումի, քրոջ որդու՝ Կամոյի կողքին… (Եվ ո՞վ իմանար, որ Կամոյից հետո նա է դառնալու գյուղի 14-րդ նահատակը)։